محكمة الأسرة اليوم 2020| ”كريمة”: زوجي مدمن علاقات على التليفون.. وبيخوني مع مرات أخويا
"جوزي سايبني وبيتكلم ستات على الفيسبوك وعلى الواتس بالليل"، بهذه الكلمات بدأت" كريمة" في سرد مأساتها مع زوجها "علاء" أمام قاضي محكمة أسرة مدينة نصر، بعد 6 سنوات من الزواج، وخرجت منها بطفل صغير، بعدما شاهدت بنفسها خيانة زوجها لها أكثر من مرة على هاتفه المحمول.
وتحكي ربة المنزل قصتها قائلة: "اتجوزت من 6 سنوات، وكنا بنحب بعض وكان جوزي شخص رائع قبل الزواج، وبعد الزواج كانت حياتنا طبيعية مفيهاش أي خلافات، وأنجبت طفلى" س"، وبعد فترة صغيرة من الجواز والإنجاب، اكتشفت خيانة جوزي وهو بيتكلم مع بنات داخل الحمام على النت".
اقرأ أيضًا: ”قالت لي إنها من عيلة كبيرة وطلعوا مسجلين”.. شاب يشكو زوجته أمام محكمة الأسرة
واستكملت كريمة قصتها أمام قاضى محكمة الأسرة بمدينة نصر: "كلمته كتير في الموضوع ده، لغاية ما تعبت من الكلام معاه عن الستات والبنات، وفضلت أقوله حرام إللي بتعمله ده أنا قصرت معاك فى أى شىء، وكان بيقولي دول أصدقاء عادى مفيش حاجة انتى إللي فاهمة غلط".
وأضافت: بعد مرور الوقت زادت بينا الخلافات بشكل غير طبيعي، وفي مرة بالصدفة كنت فاتحة اللاب توب بتفرج على مسلسل وشوفت مواقع إباحية كان البيه فاتحها بيتفرج عليها، وكانت صدمتي".
وتابعت كريمة قصتها أمام قاضى محكمة أسرة مدينة نصر: "جوزي بعد إنجابي طفلي الأول اتغير في معاملته معايا بطريقه غريبة، وعرفت أنه على علاقة بسيدة متزوجة وبيكلمها داخل الحمام، والست اطلقت بسببه بعد ما جوزها عرف".
وأضافت الزوجة: "مصيبتي كانت كبيرة لما عرفت انه بيتكلم مع مرات أخويا، وكانوا بيتكلموا بطريقة بشعة وكلام عيب عن أخويا وعن أهلي، وقررت أبعد وأروح عند أسرتى، وواجهته أني عرفت كل حاجة عنه بدون ما أفضحه، وجالي واعتذر لي وحلف أنه هيبطل يعمل الحاجات دي".
وأشارت ربة المنزل أمام قاضى محكمة مدينة نصر: "جوزى فضل فترة مخلى باله من تحركاته وعمل كلمة سر لموبايله علشان معرفش أفتحه، لحد ما اكتشفت أنه بيكلم بنت من العائلة وكمان مخطوبة، وبيحبوا بعض في التليفون هما الاثنين، فلم أجد أمامى سوى اللجوء إلى محكمة الأسرة مدينة نصر، لرفع دعوة خلع منه".
