محكمة الأسرة اليوم 2020| مراتي عايشة فى دور ”سي السيد ”
"مراتي ست جبارة، بتمد إيديها عليا لما بنتخانق، ست مفترية ومفيش أمل تتصلح" ، هكذا وقف الزوج أمام محكمة الأسرة بمصر الجديدة يشكوا زوجته ويطالب بإثبات دعوى النشوز .
وقال الزوج فى دعواه بالنشوز أمام محكمة الأسرة بمصر الجديدة : " اتجوزت من ١٠ سنين، مراتي عايشة دور سي السيد، عاوزة تؤمر فتطاع، عصبية لأقصي الحدود، صوتها عالي ومبتحترمنيش، وتعبت من العيشة معاها " .
وتابع الزوج فى دعواه أمام محكمة الأسرة بمصر الجديدة: " قررت أطلقها بس مسكتني من إيديا اللي بتوجعني، المؤخر، حاولت مع أهلها كتير عشان تبطل افترى وإهانة، بس مفيش أمل منها " .
وواصل الزوج فى دعواه أمام محكمة الأسرة بمصر الجديدة: " ١٠ سنين اتحملتها فى كل حاجة، وبعدها ربنا أكرمني بابني ضياء وقولت يمكن هتحترمني بعدها، بس مفيش فايدة، متغيرتش ولقيت نفسي بتهان قدام ابني الصغير، فقررت الجأ لمحكمة الأسرة تنجدني منها " .
ولا تزال الدعوى منظورة إلى الآن تنتظر الحكم.
