عاجل/ والدة ضحية طلخا: قتلوها وابنها بيلعب.. ومحدش قاللي إنها ميتة

أكدت إشراق المكاوي والدة إيمان عادل شهيدة طلخا، أنها علمت بخبر وفاة ابنتها، بعدما قال لها بعض الأهالي، إنها أغمى عليها.

وقالت إن: "قالوا لي تعالي الإسعاف بتاخدها، وسألت طب الإسعاف ليه مطلبتنيش، لما روحت لبيتها، لقيت البلد كلها في الشارع، وعماتها بيصوتوا ويعيطوا، وبيقولوا لي شوفي بنتك، ولما طلعت فوق لقيت غفير مش عاوز حد، وقالي الدكتور جاي، محدش قالي إنها ميتة".

وأضافت خلال مداخلة هاتفية مع الإعلامي عمرو أديب، مقدم برنامج "الحكاية"، عبر شاشة "mbc مصر": "عرفت إنه بيكلم واحدة تانية، وعاوز يطلق بنتي، لكن أبوه وأمه وإخواته موافقوش لأنها كويسة، وكل ده عرفته بعد ماتت، هو شيطان والشيطان هيأ له إنه يلبسها حاجة عشان يطلقها".

اقرأ أيضًا: مصر تنتصر.. إثيوبيا تتراجع عن ملء السد دون الوصول لاتفاق ملزم

وتابعت: "كنت آخر واحدة أعرف إنها ماتت بالطريقة البشعة دي، وتوفيت وهي في حضنها ابنها عنده 9 أشهر، كان واقف على العجلة بتاعته وبيعيط، واترمى عليها بالعجلة، وقعد يبكي بصوت عالي، وعماتها طلعوا على صوته فتحوا الشقة، لاقوها مرمية وهو بيعيط".