محكمة الأسرة اليوم 2020| زوجة تصرخ: بنتسول بأمر جوزي
"بيخلينا نتسول فى الشارع وهو شغال مدير عام، ولما اعترضت طردني فى الشارع"، هكذا وقفت زوجة أمام محكمة الأسرة تصرخ وتطلب الطلاق للضرر من زوجها، ونجدة أطفالها منه. .
قالت الزوجة فى دعواها أمام محكمة الأسرة إنها تبلغ من العمر 36 عاما، تزوجت لمدة 20 عاما، كان زوجها خلال تلك الفترة بخيلا، يكره صرف الأموال "بيجبرني أستغل أهلى وبيتكفلوا بيا بكل حاجة، ولكن بعد ما أولادي كبروا بدأ يستغلهم ويخليهم يتسولوا من أهله وأهلي، ويجبرنا على زيارتهم وادعاء المرض والفقر، عشان يتصدقوا علينا".
اقرأ أيضا: 3 سنوات حبسًا للمتهمين في واقعة التعدي على طالب صيدلة بالغردقة
وواصلت الزوجة أمام محكمة الأسرة أنه مع الوقت أصبح أشقاؤها ينفرون من زيارتها، وكذلك إخوته وأقاربها، وخصوصا بعد علمهم بعمل زوجي ومرتبه "الكل بدأ يزهق من وجودنا، وخصوصا لما عرفوا إن جوزي معاه فلوس كتير، فقرر جوزي إنه يشغل ولادي شحاتين، بيخرجهم بهدوم مقطعة، فى أماكن معينة، وفى عهد بلكجية، ولما اتخانقت معاه ورفضت تصرفاته، طردني من البيت، وفضلت فى الشارع 6 شهور، بعد ما اتخلى عني إخواتي، ورفضوا مساعدتي، بسبب تهديده ليهم".
وأكملت الزوجة أمام محكمة الأسرة أنها عادت لزوجها خوفا على أولادها، وأصبحوا جميعا عرضة للضرب أى وقت، بسبب أقل خطأ "عشنا سنتين فى الجحيم ولو قل الحصيلة بتاعت الولاد فى اليوم عن 1600 جنيه، يفضل يجلد فينا، لحد ما ساعدتني محامية بتقديم شكوى فى مكان شغله، وفى المجلس القومي للمرأة".
ولا تزال الدعوى منظورة إلى الآن تنتظر الحكم.
