مرتضى منصور: لو الأهلي عمل برنامج ”6-1”.. هعمل برنامج ”الساعاتي”

تحدث مرتضى منصور، رئيس مجلس إدارة نادي الزمالك، عن ما تردد مؤخرًا حول قرار قناة النادي الأهلي بتقدم برنامج تحت إسم "6-1"، قائلًا: "الأهلى لو عمل برنامج اسمه 6/1 يعمله معنديش مشكلة، لأن الاهلي عنده قناة بقالها سنين مهزتش شعرة من راسنا، واحنا عندنا قناة بقالها كام شهر والدولة هي اللي عملتها وقلبت الدنيا عليهم، وأنا جاي من حوارى روض الفرج ومحدش يقدر علينا غير ربنا".

وأضاف مرتضى خلال تصريحاته لقناة الزمالك: "أنا هعمل برنامج إسمه الساعاتي.. والتتر بتاعه أغنية ساعات ساعات لصباح، رئيس مجلس إدارة أسد لا أخاف إلا من الله".

اقرأ أيضًا: «التعاقد معي صعب».. الأهلي يتلقى رسالة من باهر المحمدي

كما وجه رئيس الزمالك العتاب لفاروق جعفر نجم النادي السابق، قائلًا: " يا فاروق جعفر الخطيب مش أسطورة، اللي يفبرك فيديو مش أسطورة، واحنا 24 ساعة بنتشتم فى قناة الأهلي، مش هنقول فى قناة الزمالك إن الخطيب أسطورة ومحترم".

فيما نوه عن ملف نادى القرن، قائلًا: "زعلان من خالد الغندور علشان قال سبق إمبارح إننا ترجمنا ملف نادى القرن وهنبعته، وخالد قال الموضوع فى دقيقة رغم إننا فى مشاكل كبيرة بسبب الموضوع ده".