كلمتين وبس.. فؤاد المهندس: ”الكلمة الحلوة” راحت فين؟ (فيديو)
مع العودة لذكريات زمان، لا ننسى برنامج "كلمتين وبس"، الذي قدم حلقاته المبدعة الفنان الكبير فؤاد المهندس، وعلم المستمعون من خلاله قيم لا تحصى ربما افتقدنا وجودها هذه الأيام.
ونسترجع اليوم حلقة "الكلمة الحلوة" التي ناقشت موضوع في غاية الأهمية وهو أهمية الكلام الطيبة وأثرها على حياة الناس.
أثر الكلمة الطيبة
حيث يحكي فؤاد المهندس في حلقة "الكلمة الحلوة" أثر الكلمة الطيبة على حياة الناس وفقدانها.. وكما قال الكوميديان الكبير: "الكلمة الحلوة لها تأثير أكبر من أي قوة".
سيد أفندي لاحظ إن الكلمة حلوة قربت تختفي من المجتمع ومن حياة الناس قال لعبده أفندي ايه الحكاية؟ عبده قال له قصدك ايه بالكلمة الحلوة؟
قال له: "كلمة الحب والتشجيع والصدق والتسامح، دلوقتي الواحد يدور على أي كلمة ميلقيش الدنيا جرالها ايه؟".
وأعطى سيد أفندي مثالا لعبده: "بسأل واحد تاجر صاحبي فلان الفلاني غني ولا نص نص قالي غني جدا قولتله فلوسه جابها منين قالي بيشتغل في المخدرات، بعد كده اشتغل بالتجارة علما إني عارف إن كلامه مش صح ده كان تاجر أمين ونشيط".
ويستكمل سيد أفندي وهو حزين: "كان زمان لما حد يسأل تاجر عن تاجر بيمدح فيه دلوقتي يديله بومبة، ليه متفهمش إيه السر إن الناس نسيت كلمة الصدق، مش بس كدة مين اللي بيقول الكلمة الحلوة نادر اللي يقولها نادر إنك تسمعها تسأل واحد عن واحد يقولك ده بيغش أو حرامي أو نصاب".
ويستشهد فؤاد المهندس بمثال مؤثر عن الكلمة الحلوة.. حيث قال: "الكلمة الحلوة لها تأثير أكبر من أي قوة زي نقطة المياة لو روحنا لصخرة ضخمة وضربنها بالمدافع الرشاشة، الطلقة هتخدشه لكن مش هتقدر تخرمها لو نزلنا نقطة مية عليها لمدة وباستمرار الصخرة هتتخرم، علشان كده المية أقوى والكلمة الحلوى أقوى".
كلمة التشجيع مهمة
وكما قال فؤاد المهندس في نهاية الحلقة: "كلمة التشجيع مهمة في المدرسة وفي البيت والنادي والشغل من غير تشجيع الناس تقف مكانها حتى أكبر مغني وأكبر فنان مش هيقدر يشتغل بهمة من غير كلمة حلوة".
اقرأ أيضًا: موعد عرض مسرحية ”ريا وسكينة 1921” بالمسرح المكشوف
وأنهى: "الكلمة الحلوة ممكن تمسح متاعب الإنسان وتخليه يستمر في حياته بشكل أرقى، سهل إنك تتعصب وتقول كلام وحش، بس الأصعب والأجمل إنك تقول كلمة حلوة تشجع الناس على التقدم وتديهم ثقة في نفسهم، مش كده ولا ايه؟".
