700 جنيه اتخصموا من مرتبي فحرقني.. زوجة تطلب الخلع بمحكمة الأسرة
"700 جنيه اتخصموا من مرتبي، جوزي اتهمني بالسرقة وعاقبني بالضرب، وحرق هفش بيتي كله"، هكذا صرخت زوجة أمام محكمة الأسرة بروض الفرج تطالب بخلعها من زوجها، بعدما اتهمها بسرقة مرتبها، وعاقبها بالضرب "علقة موت" على خصم مبلغ مالي منه.
تزوجت بشكل تقليدي، وبعد شهر من الزواج بدأ يحرمها من كل حقوقه الشرعية، لتكتشف الزوجة أن السبب الرئيسي للزواج منها هو الطمع في راتبها "خوفت على نفسي وبنتي، بسبب جبروته، 3 سنين جواز اتعرضت فيهم لمعاناة تفوق الاحتمال، بيضربني وحارمني من كل حاجة، حتى التليفون حرمني منه بحجة إنه خايف عليا أصرف الفلوس على مكالمات التليفون".
"صبرت كتير على إيديه الطويلة عليا من يوم جوازنا، وبسبب بنتي الصغيرة كنت بستحمل، متخيلتش إنه يوصل بيه الحال يضربني عشان فلوس اتخصمت مني، وعمري ماتخيلت إن ممكن أكون متهمة بالسرقة في يوم من الأيام"، لتصرخ الزوجة وهي تشير لأماكن الجرح بعدما أحرق النار بها وبمنقولات شقتها فاحترق جسدها ووجهها ورأسها وتركها مع صغيرتها وفرّ هاربا.
"حرمني من حقوقي وزور مستنداو رسمية عشان يصرف فلوسي عليه وعلى أهله، ومكنش قدامي غير محكمة الأسرة تجيبلي حقي".
ولا تزال القضية منظورة أمام محكمة الأسرة بروض الفرج تنتظر الحكم.
