«بيعاقبني عشان رفضت خيانته».. ريهام تطالب زوجها بنفقة 100 ألف جنيه بمحكمة الشروق
"بيعاقبني عشان رفضت خيانته ليا، رافض يصرف على أولاده، ورغم إني شاركت في ثروته بس هو أنكر ده"، بكل صمود وقفت ريهام أمام محكمة الأسرة بالشروق تطالب بحق أطفالها بنفقة ألعاب، وطالبت بإلزام طليقها بدفع 100 ألف جنيه سنويا، بعدما أثبتت أن مرتبه يتجاوز الـ300 ألف شهريا بسبب عمله في الاستيراد والتصدير.
وبجلسات التسوية أكدت ريهام البالغة من العمر 28 عاما، أنها شاركت زوجها في العمل وتعظيم رأس ماله بالشركة التي يمتلكها، وهو ما أنكره بعد هجرها له ورفض تمكينها من حقوقها الشرعية " طليقي امتنع عن رعاية ولاده، ومش بيفكر يسأل عنهم طول سنتين ونص، وكل ده بسبب الخلافات بيني وبينه خلتني أخلعه ".
اقرأ أيضًا: ”مش لاقيين بناتنا”.. اختفاء 3 فتيات في ظروف غامضة بالشرقية
"أنا مخلفة طفلين، واكتشفت إن طليقي على علاقة بواحدة تانية، فقررت أسيب البيت وأطلق، كان السبب في فضيحة كبيرة بسبب عمايله، ولما رفض يطلقني خلعته، ورفض يصرف عليا أنا وأولاده عشان يجبرني أرجع للبيت، ولادي محتاجين فلوس عشان حياتهم ترجع زي الأول، وزي ما اتعودوا يعيشوا مع والدهم"، مؤكدة أنها عندما طلبت منه الإنفاق عليها رفض رغم مقدرته المالية، فقررت رفع دعوى نفقة أمام محكمة الأسرة، مشيرة إلى أنه ملزم بالإنفاق عليهم قدر يسره، وهو م ا أثبتته بالمستندات .
ولا تزال القضية منظورة أمام محكمة الأسرة تنتظر الحكم.
