لا أملك ثمن حقيبة لابنتي.. سوسن تصرخ أمام محكمة الأسرة بالقاهرة

"لا أملك ثمن حقيبة جديدة لابنتي"، بهذه الكلمات سردت زوجة تفاصيل دعوتها لحبس زوجها أمام محكمة الأسرة بزنانيري القاهرة، حيث أوضحت سوسن أن زوجها عاقبها بعدم الانفاق على ابنتها بسبب تقديمي شكوى ضده لقسم الشرطة وبالمحكمة من سوء المعاملة التي طالما استمر في حياته معي عليها عن طريق الضرب والإهانة.

وأضافت سوسن، أن زوجها لا يعطيها إلا ملاليم في الشهر لا تكفيها هي وابنتها: "مبيدنيش إلا ملاليم في الشهر كنفقة من بنك ناصر الاجتماعي، مش قادرة أشتري حاجة ليا ولبنتي دي حتى شنطة مدرستها بتاعت السنة الجديدة مش عارفة أجيب ثمنها".

اقرأ أيضًا..«خسرت حياتي عشان طمعانة في 1500 جنيه».. تفاصيل رد زوج على حكم طلاق من زوجته

وتابعت: "أبويا هو اللي متكفل بيا أنا والبنت لحد ما الدعوى بتاعت النفقة يتحكم فيها وابدأ أخد نفقتي واصرف عليا وعلى بنتي، مكتفاش باللي هو بيعمله ده ولكن حارمني أنا وبنتي من المصاريف، على الرغم من إنه بيدفع لبنته من زوجته الجديدة 32 ألف جنيه مصاريف في العام الدراسي، وطبعا بيجيب للمدام الجديدة كل اللي هي عايزاه".

واستطردت: "عشان العند نقل البنت في مدرسة قريبة من سكنه مع مراته الجديدة، عشان يخلي البنت تعيش في ذل، وانا عشان مش معايا اصرف عليها".

واختتمت: "بنتي متفوقة في دراستها، بس كل ذنبها إني مش عايزاه يضربني ويعاملني كأي بني آدمة عادية، ولو على الأقل زي زوجته الجديدة، عشان كده بطالب انه يديني اللي يعيشني أنا وبنتي مستورين".