رمضان صبحي يكشف موقفه من تتويج الأهلي بدوري الأبطال.. ويوجه رسالة للخطيب والجمهور

أكد رمضان صبحي، لاعب الأهلي الأسبق، ونادي بيراميدز الحالي على أنه لم يشعر بأي غيرة بعد رحيله عن الأهلي، وتأهل الفريق لنهائي دوري أبطال إفريقيا.

وقال صبحي في تصريحاته لقناة "إم بي سي مصر": "محسيتش بغيرة من وصول الأهلي لنهائي دوري أبطال إفريقيا، وبأتمنى لهم التوفيق؛ لإن البطولة دي هتتحسبلي، لإني شاركت معاهم، ولو حتى مش هتتحسبلي اتمنى الأهلي ياخد البطولة".

وأضاف: "العقد المادي مهم في كل حاجة، بس مش هو الأساس، لكن في حاجات تانية مع الموضوع ده".

وتابع: "كريستيانو رونالدو أكتر لاعب بأحبه؛ لأنه عنده كاريزما، وله شخصية في الملعب، وإنه بدأ حياته من الصفر، وطور من نفسه كتير، علشان يحقق إللي حققه".

وأكمل: "شايف مستقبلي دلوقتي إني لاعب في نادي بيراميدز، وهأدي 100% من إمكانياتي، وطموحي ألعب مع المنتخب الأوليمبي، والمنتخب الأول المرحلة المقبلة".

وتابع: "مش خايف من الجمهور في أول مباراة لمنتخب مصر مع توجو، خصوصًا وإنه ممكن اتعرض لأي شيء، ده قرار أنا واخده وعارف عواقبه".

اقرأ أيضًا: رمضان صبحي: ”مش ندمان على رحيلي عن الأهلي.. وفي حاجات حصلت مينفعش أقولها”

وواستطرد: "بأوجه رسالة للنادي الأهلي خيره علي، وبالنسبة للجمهور فأنا، حاسس بيكم ومقدر زعلكم على رحيلي عن الأهلي".

واختتم: "زوجتي قالت لي القرار قرارك، وأكيد كان قرارها هيبقى مع قراري، فلما كانت تشوفني متضايق كانت تقولي انت متضايق من الرحيل عن الأهلي، كنت أقولها أنا متضايق إن الجمهور ياخد عني فكرة مش كويسة، وإني لما كنت بأقدم أقصى ما عندي حبًا وإخلاصًا للنادي وإنه مكانش رياء، كمان حابب أقول للخطيب أنت أسطورة وهتفضل أسطورة، وربنا يكرمك وتاخدوا بطولة إفريقيا الموسم الحالي".