بعد الصلح بين تامر حسني وزوجته.. بسمة بوسيل الأكثر بحثا على جوجل
تصدرت المغربية بسمة بوسيل، زوجة النجم تامر حسني، مؤشرات البحث جوجل في مصر، بعد أن قام زوجها الفنان تامر حسني أمس الإثنين، بمصالحتها عقب إعلانها انفصالهما منذ أيام.
وفاجأ الفنان تامر حسني جمهوره بعد فترة من الصمت، بمصالحة زوجته الفنانة المغربية المعتزلة بسمة بوسيل، ورد على الخبر الذي أعلنت من خلاله انفصالهما وأوضحت أنهما يحضران أوراق الطلاق.
اقرأ أيضا:هبه مجدي بإطلالة جذابة في أحدث ظهور لها (صورة)
وكتب تامر من خلال خاصية الأستوري عبر حسابه بموقع "إنستجرام"، "بسمة حبيبي للأسف أنتي مفكرتيش وسلمتي ودنك لشر السوشيال ميديا علشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتني وحبتيني بيها".
وتابع :"إزاي وصلوكي للزعل والبعد فترة المهم إني مش هزعل منك ولا يرضيني زعلك إنتي حبيبي وأم ولادي أنا في ظهرك وسندك مهما حصل بس اللي عاوزو اقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا طب حتى يكلمه الاول".
واصل: "ايه علاقة الناس بمشكلة شخصية بين اتنين ممكن تتحل بالتليفون أو في زيارة رحيمة بينهم وياريتها مشكلة اصلا ربنا جعل بينا مودة ورحمة علشان كدة للاسف انتي عارفة إن في ناس طبيعتهم خراب البيوت ومش هنخلص منهم بس انتي اللي هتخلص من فكرة انك هتسمعيهم مع انك مكنتش كده".
اقرأ أيضا:”فرنساوي أصلي”.. الجمهور يداعب هيدي كرم بعد إطلالتها المميزة
واختتم: "ياريتك تركزي مع طاقة الناس اللي دعولنا ودعوا لولادنا وفعلا أنا بشكر كل الناس والفنانين اللي سعوا في الخير لينا.. هو موقف متهور منك بس مش عيب إن الإنسان يغلط ويتعلم متهورة بس بحبك".
