فيديو.. تامر أمين يسخر من نجوم الفن الغائبين عن مهرجان القاهرة السينمائي

شنّ الإعلامي تامر أمين، هجومًا حادًا على نجوم الفن الكبار الذين تغيّبوا عن افتتاح مهرجان القاهرة السينمائي.

وقال أمين خلال برنامجه "آخر النهار" على شاشة "النهار"، مساء الأربعاء: "عندنا في مصر فنانين يتصدروا المشهد الفني من خلال شباك التذاكر، سواء من نجوم الزمن الجميل اللي لسه موجودين أو الشباب اللي زي أحمد السقا وأحمد عز.. إلى الآن، النجوم اللي حضروا يعتبروا من الصف الثاني".

اقرأ أيضًا: أحمد الفيشاوي يقبل زوجته على ريد كاربت افتتاح مهرجان القاهرة السينمائى (صور)

وأضاف: "ليه نجوم الصف الأول بيعملوا كده، ليه مش حريصين على حضور مهرجان الدولة الأول والرسمي.. النجوم دول كلهم كانوا على بعضهم مكنش ناقصهم حد من شهر كان في مهرجان الجونة، واللي محصلش على دعوة كان بيحارب علشانها".

وتابع: "أي مهرجان كبير يحمل اسم مصر هو يشرف.. النجوم دول وراهم إيه، هل بيصوروا في استديوهات، لا مفيش تصوير.. إيه اللي يخليهم يكبروا دماغهم".

اقرأ أيضًا: بإطلالة ملكية.. ياسمين صبري تخطف الأنظار في افتتاح مهرجان القاهرة السينمائى (صور)

وأكمل ساخرًا: "هل النجوم مش معاهم مصاريف البدلة ولا الفستان.. إحنا محتاجين نعرف كيف يفكر النجوم، هل بيفكروا في نفسهم بس، إن مفيش عائد لهم وبالتالي مش هيحضروا".