”مكنتش أتوقع ده من ناس أكلت معاها عيش وملح”.. أول تعليق من حمو بيكا بعد إلغاء الحكم بحبسه
علّق مغني المهرجانات حمو بيكا على قرار المحكمة الاقتصادية بالإسكندرية أمس الأحد، بإيقاف تنفيذ الحكم الصادر ضده بالحبس لمدة عامين مع الشغل وكفالة 5 آلاف جنيه، بتهمة سب نقيب وأعضاء نقابة المهن الموسيقية، بعد تقديم تصالح وتنازل من نقيب الموسيقيين الفنان هاني شاكر.
اقرأ أيضا| وصلة رقص مثيرة لـ ريموشكا مع راغب علامة على أغنية ”مش بالكلام” (فيديو)
وقال بيكا في أول تعليق له خلال فيديو نشره عبر صفحته الرسمية بموقع التواصل الاجتماعي "فيسبوك": "بشكر الأستاذ هاني شاكر وأعضاء النقابة، أنا الحمد لله امبارح أخدت براءة، وهما تنازلوا عن القضية الحمد لله أني طلعت منها بالسلامة".
أضاف: "مكنتش أتوقع من ناس أكلت معاها عيش وملح وكنا بنقعد مع بعض أكتر ما بنقعد في بيتنا، مترفعش حتى سماعة تليفون وسألت عليا بس عادي، أنا وقفت مع كل صحابي وأخواتي في الحزن قبل الفرحة، بس دي حاجة علمتني الصاحب الأخ من صاحب الشغل".
واختتم: "بس الحمد لله ليا أخواتي تانيين وقفوا معايا كل واحد قدرني في حزني حتى لو بالكذب فوق دماغي، أما اللي مش سأل أنا مش محتاج منكم حاجة كله عند ربنا مش عندكم".
وقضت المحكمة الاقتصادية بالإسكندرية، برئاسة المستشار أمير عدلي، أمس الأحد، بإيقاف تنفيذ الحكم الصادر بحق مطرب المهرجانات "حمو بيكا" بالحبس لمدة عامين مع الشغل وكفالة 5 آلاف جنيه، بتهمة سب نقيب واعضاء نقابة المهن الموسيقية، بعد تقديم تصالح وتنازل من نقيب الموسيقيين الفنان هاني شاكر.
