حسن شاكوش يكشف ”أكثر انتقاد” أغضبه.. ويوجه نصيحة للشباب

كشف مغني المهرجانات حسن شاكوش أكثر التعليقات التي انتقدته، وسبّبت له غضبًا شديدًا.

وقال خلال لقائه ببرنامج "خطوة عزيزة" على شاشة "المحور"، اليوم الخميس: "لو حد كتب تعليق ينتقدني أو يشتمني بكون مقدر ظروفه جواه، لأنه بيكون غيران مني".

اقرأ أيضًا: خالد الجندي يهنئ شيخ الأزهر بعيد ميلاده: سيدي وحبيبي وتاج راسي

وأضاف: "فيه شاب عمل فيديو واتكلم عن أجري أنا وعمر كمال وحمو بيكا والأرقام لم تكن صحيحة، وطلع قال إنّه 3 سنين ثانوية عامة و4 سنين جامعة وفي الآخر أخدت الشهادة ومش عارف يشتغل".

وتابع - مخاطبًا الشاب: "مش عارف إحنا نعملك إيه.. أنا أبويا وأمي واقفين معايا بدعائهم، القصة مش قصة فلوس.. دعوة الأم والأب تخلي الشخص في أعلى مكان، ولو الواحد أمه راضية عنه بتكون السكك قدامه مفتوحة".

اقرأ أيضًا: منة فضالي: لو رجع بيا الزمن كنت اتجوزت وسبت الشغل

واستطرد: "البنات بيدافعوا عني في التعليقات، وده أمر يسعدني جدًا، وتفاعل البنت بينجح الأغنية أكتر من الشاب، وعاوز أنصح الشباب إن محدش يبص على رزق حد، لأن محدش يعرف الشخص ده تعب إزاي علشان يوصل لكده".