شيماء تطلب الخلع: ”زوجى طردني علشان بحب شيكابلا”
"بيكرهنى وعايز يطردنى من البيت علشان بشجع شيكابالا".. بهذه الكلمات قدمت شيماء أمام محكمة الأسرة بأكتوبر تطلب الخلع من زوجها مضيفة "بيقولى يا أنا يا شيكابالا".
وقالت "شيماء" في دعواها أمام محكمة الأسرة بأكتوبر: "تعرضت للضرب والإهانة خلال سنوات زواجى، كان باستمرار يتعدى عليا، ولما بقوله إن شيكابالا أحسن واحد في مصر كان عايز يطردنى من البيت، وبعدها بدأ يكرهنى علشان هو أهلاوي متعصب".
اقرأ أيضا: ”مبروك بنتك حامل”.. أسرار 5 أشهر فى الحرام كشفتها طبيبة وضحيتها ”مراهقة معاقة”
وأضافت الزوجة في دعواها: "يوم ماتش النهائي بين الأهلى والزمالك، كان واقف على أعصابه ولما جاب شيكابالا الهدف الأول للزمالك ضربنى وقالى ياتشجعى الأهلى يا تمشى من البيت".
واختتمت الزوجة في دعواها: "رجعت البيت تانى، بعد ما طردنى ومن وقتها وهو مش طايقنى إنى أعيش معاه ساعة، وكل ما أطلب منه مصرف البيت ميرضاش يسيب حاجة لحد ما زهقت منه ورحت بيت أبويا، وملقيتش غير محكمة الأسرة هى اللى هتجيبلى حقى منه".
