أم طفلة الدقهلية: زوجى أخفى أوراق ابنته الثبوتية.. وجدها: ”بنتى كانت متجوزاه عرفى”

جدل واسع أثارته واقعة "طفلة الدقهلية"، على مواقع التواصل الاجتماعى، بعد مشاركة مجموعة من الصفحات "فيديو" لشاب وهو يجرد طفلته الرضيعة من ملابساها، في البرد القارص، وسط الشارع محاولا إشعال النيران في جسدها بمنطقة نبروه بالدقهلية.

وقالت "آمال بسيوني" والدة الطفلة" خلال مداخلة هاتفية على برنامج "الحياة اليوم" المذاع على قناة "الحياة": "إن والد الطفلة يحاول تجريدي من كافة حقوقي وممتلكاتي"، مشيرة إلى "بيتهمنى باتهامات مختلفة، ويرجع بعدها يصالحنى".

اقرأ أيضا: عاجل | القبض على صاحب فيديو تعرية الطفلة الرضيعة بالدقهلية

وأضافت الأم :"أنا مش عارفه هوعمل ازاي كده في ضناه وازاي جاله قلب يعمل كده قدام الناس"، وتابعت "كان بياخدها عنده في البيت شوية، وبيرجع تانى، بس أنا مش عارف هو عمل ليا كل ده، دي طفله متعرفش حاجة في الدنيا حرام، ازاي يعمل فيها كده".

وقال جد الطفلة إن والدها لم يعترف بابنته حتى الآن، "دا كله علشان ما يدفعش مصاريف البنت".

وتابع : " أن بنتى تزوجت عرفى بين الاهالى ، وبعد ما تمت السن القانوني كتبت كتابها رسمياً بعد سنة من زواجها".