”كلب” أحمد صيام ينقذ أشرف طلبة من الموت.. فيديو

كشف الفنان أشرف طلبة، تفاصيل واقعة طريفة تمثّل في قيام كلب الفنان أحمد صيام بإنقاذ حياته.

وقال طلبة خلال لقائه ببرنامج "حلو الكلام" على شاشة "صدى البلد"، اليوم الاثنين: "أنا طول عمري بحب الحيوانات، وحبيت الكلاب جدًا لأن عندهم وفاء بشكل غير طبيعي وبدون تكلّف، وتتسم بالوفاء بشكل كبير.

اقرأ أيضًا: تعرف على دور تيام مصطفى قمر في ”حريم كريم 2”

وأضاف: "أحمد صيام كان عنده كلاب كتير، منها كلب صغير تحدّى الكلاب الكبير فمسكوه وبهدلوه وعضوه من كل حتة، هو كان عامل فيها دكر.. صيام طلب مني أخليه عندي وبالفعل أخدته، وكان بيقعد مع البنات، وفي يوم كنت نايم صحيت لقيته بيجري وناطط عليا، واستغربت جدًا وتوقعت إنه كان محتاج شوية حنية".

وتابع: "الكلب فِضل يلحس فيا وبعد كده قعد على الأرض ونام، بعدها طلع نام على رجلي.. تخيّلت إنه بيودع، لكني اتخضيت، وقومت شوفت الولاد لقيتهم كويسين، وتاني يوم كنت رايح أتفرج على مسرحية وفجأة حسيت بتعب، بعدها كلمت الدكتور، وقالي أعمل شوية تحاليل، وروحت المستشفى لقيت إن الشريان كان مسدود".

اقرأ أيضًا: عمرو خالد من أمام مقبرة عبلة الكحلاوي: يا رب كانت تحبك وتحب خلقك (فيديو)

وأكمل: "الدكتور قالي إني كان ممكن أموت لو كنت تأخرت شوية.. واضح إن الكلب كان بيحوش عني حاجة أنا مش عارفها، ودي ظاهرة حقيقية".