عمرو أديب يوجه رسالة شديدة اللهجة لمحمد رمضان: ”نمبر وان ميعملش الكلام ده” (فيديو)
حرص الإعلامي عمرو أديب، على توجيه رسالة شديدة اللهجة، للفنان محمد رمضان، خلال تقديمه حلقة أمس الأحد، من برنامج "الحكاية" على قناة MBC مصر، يوضح فيها أنه لم يهاجمه ولم يفتح النار عليه، كما ذكر فيما نشره على حسابه بموقع "إنستجرام".
وقال عمرو أديب خلال تقديمه برنامج "الحكاية": "إمبارح كنا بنتكلم مع ممثل شاب عمل في إعلان مع الفنان الكبير محمد رمضان، وكان الكلام معه أنه مفيش وسائل أمان في الإعلان، ودا أدى إلى إصابة هذا الشاب، ولولا ستر ربنا لربما كانت إصابته أكبر".
اقرأ أيضا: محمد الشرنوبي يثير الجدل بتصريحاته عن نانسي عجرم: ”نموذج للأنوثة” (فيديو)
وأضاف مقدم برنامج "الحكاية": "الشاب قال الراجل المسؤول عن المعارك والمفرقعات شبه هدده، ومحمد رمضان لم يأخذ بخاطره قوي، ولم يهتم به، وقال له عاش يا بطل لم نقم بالهجوم على محمد رمضان خالص، وعلى فكرة علاقتي برمضان جيدة، وعملت معاه لقاءات كتير".
وتابع الإعلامي عمرو أديب: "النهاردة فوجئت بـ "نمبر وان" محمد رمضان، منزل بوست، إعلام بلدي، أنا متعور، اتحرقت، محدش معبرني، وعمرو أديب فاتح النار علي. طبعا واضح من الكلام ده إنه ما شافش، سمع".
ووجه عمرو أديب رسالة للمطرب محمد رمضان، قائلا: "عندما تكون نمبر وان، أو بلاش نمبر وان علشان دي مسألة فيها كلام، عندما تكون فنان كبير يجب أن يكون عندك مسؤولية اجتماعية. إنت بتشتغل في مكان حصل فيه مشكلة، إنت كبير الكلام ده، تروح للشاب ده وتسأل عليه، وتكلم أمه وتطمن عليها، وتقوله تعالى يا ابني أوديك مستشفى وآخد بالي منك وأعالجك".
وأضاف أديب في رسالته لمحمد رمضان: "أنا طبعا قلقان عليك إنك إتحرقت واتعورت، إنما الغلبان التاني لازم أقف جنبه وآخد بإيده، لإن حضرتك ألف مين يعالجك ويقف جنبك، إنما ده غلبان ومحدش عبره ولا سأل عنه، ده دوري كإعلامي، وعاوزك تفكر في حاجة، إنت مش مستغرب إنه في ثلاثة أيام، في إعلان ومسلسل، في إصابتين؟ مش ده يخليك تفكر شوية في تأمين الشغل بتاعك؟".
