الطريق
الجمعة 29 مارس 2024 03:16 مـ 19 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

” المخرج يتلاعب بالمشاهدين”.. هاني خليفة يكشف سر حبكة ”لعبة نيوتن”

مسلسل لعبة نيوتن
مسلسل لعبة نيوتن

شارك المخرج هاني خليفة متابعيه وجمهوره برأيه في مسلسل "لعبة نيوتن" للنجمة منى زكي ومن إخراج تامر محسن.

وأشاد خليفة، بمخرج العمل وتفاصيل المسلسل، وكتب عبر صفحته الرسمية بموقع التواصل الاجتماعي "فيسبوك": "تامر محسن في لعبة نيوتن مش بس بيحافظ علي نجاح بقى مرتبط باسمه في كل عمل.. لا هو بيعمل شكل تاني للشغلانة غير السائد في المسلسلات عندنا يمكن أقرب لنموذج صانع المشروع المتعارف عليه خارج الوطن العربي".

وأضاف: "هو هنا مخرج مؤلف له أسلوب ووجهة نظر فيما يحكيه والجميل إنك ماتبقاش عارف ولا متوقع هايعمل إيه بس الأكيد إن هناك وعد متحقق دائماً بمغامرة إنسانية وفنية ما وهتتورط فيها كمشاهد يعني هتتورط هتلاقي المشهد اللي يجيبك".

وتابع كلامه: "مشهد منى زكي وهي في جلسة تقييم الصحة النفسية.. وهي بتقول احنا غير احنا لما بنحب حد بنقوله بموت فيك
مش بس مشهد مكتوب حلو ومتمثل حلو وكل حاجة.. لا ده بيخليني افكر.. أه صح ده إحنا فعلا غير.. وأسئلة بقى.. طب هو ليه
طب مين أحسن ؟.. وقابل بقى".

وأكمل: "ده منتهى الطموح في دور الفن إنه يخليك تفكر ممكن يكون المسلسل بيوترني كمشاهد أو بيستفزني أحيانا طريقة السرد أو اتخاذ الشخصيات لمسارات درامية معينة كواحد من اللي إيديهم في الشغلانة ولكن يتلاعب بنا تامر محسن كمشاهدين وكمان باللي إيديهم في الشغلانة.. ويفاجئنا بايقاع حكي.. لا تستطيع معه إلا أن تسلم له نفسك".

اقرأ أيضًا: نور الشريف في يوم ميلاده.. اعتبر والدته خائنة وبدأ لاعب كرة قدم

واختتم: "يجي في حلقة النهارده ويحطنا في مواقف غريبة مع الشخصيات حتي وإن كنا متوقعين المسار ولكن يغوص بينا تامر في عمق إخراج اللحظة وغرابة الطلب وتوقيته من فراج لمنى وتايسون اللي مابيكملش السيجارة.. علشان بيفتكر حجم المشاعر اللي كانت موجودة وبتضيع منه حالاً.. لا كلام كتير أوي يا تامر.. إنسانية عالية منك.. منتهي الإعجاب والاحترام والتقدير والله".

موضوعات متعلقة