بعد نشر الهضبة صورته.. أيمن بهجت قمر يكشف سر نشر الفنانين لصورهم مع تركي آل الشيخ
انتشر خلال الأيام الماضية عدد من الصور التي تجمع بعض الفنانين بـ تركي آل الشيخ رئيس هيئة الرياضة السعودية، وجاء أخرهم الهضبة عمرو دياب الذي نشر صورة وهو يطمئن عليه في نيويورك .
ولم يكن الهضبة هو الوحيد الذي انتشرت صورته بقوة، لكن ايضا الشاعر أيمن بهجت قمر حرص علي نشر صورته مع آل الشيخ، وقام بكتابة منشور عبر موقع التواصل الاجتماعي "فيس بوك" يشرح فيه لماذا يطرح الفنانين أصحاب تركي آل الشيخ صورهم خلال هذه الأيام.
وقال أيمن بهجت قمر عبر صفحته: " عايز تعرف ليه اصحاب تركي الشيخ الفنانين الايام دي بالذات بينزلوا صور ليهم مع تركي الشيخ ؟ انت تحسبها تطبيل وهيطلعكوا عمره والجو ده مع ان اكيد النجوم دول مش محتاجين يعني.. لكن اسمح لي اقولك انا جايز تفهم حاجه ده لو حابب تفهم .. الراجل ده علاقته بينا كلنا من يوم ما عرفناه قبل الكوره والوزاره من سنين علاقه في منتهى الاحترام والمحبه المتبادله وعمر ما حصل بينا توتر او فضايح في الفضائيات او علي المواقع حتى لو فيه خلافات بسيطه بتحصل عمرها ما خرجت خارج الاطار الطبيعي لمشاكل الاصدقاء وده حصل معايا انا شخصيا" .
وتابع بهجت :" تركي بيوفر للفنانين اللي بيتعاملوا معاه امكانيات كبيره عشان الاعمال تطلع في افضل صوره وله مواقف على المستوى الانساني جاحد اللي ينكرها ومساعدات ماجتش من النقابات والجمعيات .. انا بالنسبالي عمري ما انسى ان في عز مشاكلي مع روتانا دعاني لحفل صعود المنتخب السعودي في الرياض ودخلت وقعدت في الصفوف الاولى وانا رافع راسي والحفله برعاية روتانا ولقيت من كل قيادات روتانا بلا استثناء كل الحفاوه والاحترام برغم اني برضه لسه مازلت ما بشتغلش معاهم بسبب عقود النشر".
وأوضح :"خلافاته الشخصيه المعلنه او الخاصه بيه دي حاجه مالهاش اي علاقه بينا بس لما يتهاجم لازم يلاقي اصدقاؤه واقفين معاه وبيشدوا من ازره وبيحتلفوا معاه بنجاحه ونجاحنا مع عمرو دياب وللا الصداقه بس في الزمبليطه والهيصه ! .. ألف مبروك لتركي ال الشيخ ولكل زمايلي اللي اشتركوا في الألبوم المحترم ده ويارب دايما ناجحين مع بعض".
