الشلقاني تكشف أسرار التوظيف والمقابلات الشخصية في ”أم الإتش آر”

عن دار المؤسسة للنشر والتوزيع، يصدر الكتاب الأول لنهى الشلقاني، والذي اختارت له اسمًا مثيرًا هو "أم الإتش آر".

 

الشلقاني تعمل بالفعل مديرة للموارد البشرية في إحدى الشركات، ويتابعها كثيرون عبر موقع التواصل الاجتماعي بسبب كتاباتها الساخرة وحكايتها عن عالم الإتش آر، ما يعد بوجبة دسمة من المتعة التي لا تنتهي.

 

تقول الشلقاني: "الكتاب عن إيه؟ عن حاجات كتير قوي هتلاقوها شبهكم، لأني كاتباه عني وعن حياتكم، حاجات هتضحكوا عليها، وحاجات هتعيطوا بسببها، وكلام طالع من قلبي وعقلي وروحي وإحساسي.. كلام كتبته وأنا بعيّط، وأنا بضحك، وهكشف راسي وادعي على دار النشر عشان عملوا تحرير وأصرَّوا يغيروا حاجات ماكنتوش هتصدقوها وحصل".

 

وتابعت: "حكايات من روح طفلة لسّه بتلعب في الشارع بالكورة مع صاحباتها بجسم ست كبرت وعانت وشافت كتير، حكايات كتيرة لناس كبيرة وكلام حنين لناس بتحب وكلام بيضحك لمواقف حلوة وكلام بيوجع لناس عدوا على حياتي، كلام بسيط.. بمعاني مش بسيطة".

 

ينتمي الكتاب للأدب الساخر ومن المتوقّع أن يرى النور في الدورة المقبلة من معرض القاهرة الدولي للكتاب 2021.