الطريق
الجمعة 29 مارس 2024 12:43 مـ 19 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

”مش من برة”.. زملاء أسرة دلال عبد العزيز نشروا شائعة الوفاة

دلال عبد العزيز
دلال عبد العزيز

لا يزال الحديث عن شائعة وفاة الفنانة دلال عبد العزيز، يثير حالة من الحزن والغضب على مواقع السوشيال ميديا، خاصة أن الشائعة لم تقتصر على الحديث بين رواد السوشيال ميديا، ولكنها صدرت عن بعض المقربين من أبناء الفنانة دلال عبد العزيز.

في الساعات الماضية، كتبت صفحة منسوبة للفنانة ياسمين صبري، منشور حول وفاة الفنانة دلال عبد العزيز، متضمن: "وفاة الفنانة دلال عبد العزيز عن عمر يناهز الـ61 عامًا".

ونشر على الصفحة الرسمية للمذيع تامر شلتوت خبر أخر يؤكد وفاة الفنانة دلال عبد العزيز، قائلاً: "البقاء لله.. وفاة الفنانة دلال عبد العزيز عن عمر ناهز 61 عامًا".

اقرأ أيضًا: كيف رد رواد السوشيال ميديا على شائعات وفاة دلال عبد العزيز؟

ورد الإعلامي رامي رضوان، زوج ابنة الفنانة دلال عبد العزيز على شائعات الوفاة: " بكل هدوء..أنا رقمي مع طوب الأرض وما فيش رئيس تحرير ماعهوش تليفوني ومايعرفنيش شخصيا.. وتقريبا مافيش صحفي ماعهوش تليفوني.. بأي منطق أو عقل أو إنسانية او مهنية ينزل خبر زي ده بدون تحقق؟!..جنسه إيه ودماغه فيها إيه اللي قرر ينزل إشاعة ملعونه زي دي؟..طب راعوا الظروف المؤلمة اللي عايشنها بقالنا شهور دلوقتي..طب راعوا ضميركم..طب راعو مهنيتكم..طب راعوا إنسانيتكم..طب راعوا أي حاجة".

واستكمل: "أنا قلت قبل كده وهقولها تاني ويا رب تحوأ المرة دي..خلوا الإنسانية والضمير الإنساني والصحفي يسبق "اللهث" وراء السبق واللايك والشير في كل ما يخص أرواح الناس..وفي أي خبر".

ومن جانبه، علق الفنان حسن الرداد، زوج ابنة الفنانة دلال عبد العزيز على خبر وفاتها، قائلاً: " بالنسبة للمواقع الصفراء الرخيصة اللي كتبت أخبار غير صحيحة عن حماتي دلال عبد العزيز، يا ريت تحترموا نفسكم شوية. اللى بينزل اخبار غير صحيحة تخص حياة إنسان عشان يعمل ترند على موقع يبقى واحد مش محترم ولا يحترم المهنة بتاعته اللي ألف باء فيها وجوب تحري الدقة".

وتابع: "إحنا بقالنا شهور في المستشفى و كلنا متواجدين مع حماتي وقاعدين قدامها 24 ساعة رامي و إيمي و دنيا وأنا و فجاة يجيلنا سيل مكالمات ورسائل من كل أهلنا وحبايبنا بيطمنوا..حقيقي عايز أسال اللي كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه أو ممكن يحصل له إيه على ما يتاكد أن الخبر مش مظبوط؟..مش هقولك يا ريت يحصل فيك نفس الموقف عشان تعرف المصيبة اللي أنت عملتها بس هقول لك حسبي الله و نعم الوكيل".

موضوعات متعلقة