خالد يوسف عن 30 يونيو: ”أنا من طلبت التصوير” (فيديو)

نفى المخرج خالد يوسف، الأخبار المتداولة عبر مواقع السوشيال ميديا، حول تكليفه من قبل الجيش بالتصوير في ثورة 30 يونيو، كما فهم البعض.

وفي لقائه مع الإعلامي عمرو أديب، ببرنامج "الحكاية"، عبر شاشة قناة "MBC مصر الفضائية"، قال خالد يوسف: "أنا من 25 يناير أنا طلبت من الشؤون المعنوية، عشان الناس فاكرة إن الجيش جابني عشان أصور في 30 يونيو، مش صح، أنا اللي طلبت".

اقرأ أيضا: جمال العدل يكشف موقفه من الزمالك مع وفاء الكيلاني في ”السيرة”

وأردف "يوسف": "في 25 يناير كمان، أنا اللي كلمت الشؤون المعنوية وقلتلهم أرجوكو طلعوني على طيارة أصور بغض النظر عن موقفكو من هذه الحركة اللي اسمها ثورة ولا ما اسمهاش ثورة - مكانش الجيش لسه أعلن بيان انحيازه لمطالب 25 يناير - أرجوكو ده تاريخ مصر، حصوره كويس عشان الأجيال والتاريخ، قالولي إحنا بنصور يا أستاذ خالد ومرضوش يطلعوني".

وتابع حديثه قائلا: "في 30 يونيو لما طلبت قالولي اتفضل، الناس فاهمة إني كلفت، أنا مش عسكري عشان أكلف".