سما المصري لـ ريهام سعيد: محدش هايفضحك غيري
تواصل سما المصري، حملة هجومية ضد الإعلامية ريهام سعيد، وهذه المرة قامت نشرت "المصري" صورة قديمة لريهام سعيد، عبر حسابها الشخصي بموقع تبادل الصور والفيديوهات الشهير "إنستجرام".
وعلقت سما المصري على صورة ريهام سعيد قائلة: "الولية بتاعت العفاريت دي بتقول اني أنا اللي ذقيت عليها فتاة المول وأنا اللي افتعلت القصة كلها.. ليه هو انا اللي قلتلك انشري صورها؟ ولا أنا اللي قلتلك اسرقي صورها من على تليفونها ياحرامية الصور.. وموضوع اني أخدت فلوس منك طبعًا أخدت منك فلوس تعويض عن اهاناتك ليا لما قولتي اني اخدت ١٠ ألاف جنيه، وماجتش البرنامج اخدت منك بدل الـ١٠ ألاف أضعاف أضعاف الفلوس دي".
وتابعت المصري: "وبتقولي إنك ماقعدتيش تحت رجليا عشان تترجيني أخلصلك الموضوع عشان ماتتحبسيش وانك مصوراني، طيب يلا أنشر الفيديو باه عشان الناس تتفرج عليا وانا ذلاكي ولما أنا متورطة ماروحتيش تشتكيني ليه ولا خايفه تتحبسي تاني؟ هو السؤال بس انتي دفعتي ليا فلوس أنا وفتاة المول ليه لما انتي معاكي الحق كده وعامله بورم؟ مش الغلابة كانوا أولي بالفلوس دي يابتاعت الغلابة؟.. فرحانة انتي اوي اني قلبتك في فلوس ياحاجة؟ هههه".
واختتمت: "ماهو أنا وراكي وراكي محدش هيفضحك غيري، طالما انتي بجحة كده يابتاعت العفاريت، ولو أنا نصبت عليكي يبقى برافو عليا، عقبال المرة الجاية يابتاعت العفاريت".
