«مش عارفة أعمل حمام يا ماما».. تفاصيل اتهام فراش مدرسة بالتحرش بتلميذة

استمعت جهات التحقيق إلى أقوال والدة الطفلة أفادت بتعرضها للتحرش على يد عامل بمدرسة الشرفا الابتدائية فى منطقة باب الشعرية بمحافظة القاهرة.

اتهمت والدة الطفلة فراش المدرسة بهتك عرض ابنتها والتحرش بها داخل المدرسة قائلة: "يوم السبت لقيت بنتي جنة بتقولي إن عندها وجع أسفل ظهرها ومش عارفة تعمل حمام".

تضيف: "قلعتها البنطلون فلقيت إحمرار من الخلف" فسألتها عن السبب فأخبرتها "خايفة أقول.. فقولت لها ماتخفيش". 

اقرأ أيضًا: «قتلوه عشان حلة».. القبض على شقيقين في المنيرة الغربية

أكدت والدة الطفلة أن ابنتها  قدمت وصف تفصيلى عن غرفة المتهم وحدوث الواقعة مضيفة "قالت لي المدرس خدني في الأوضة اللي جنب الحمام وأغلق عليها الباب وإن فيها سرير وتليفزيون وقلعها هدومها وهو قلع البنطلون وبعد كده راح وقالها متجييش سيرة لمامتك ومتجييش سيرة لحد وإلا هموتك وقعد يقرصها في جسمها".

أضافت الأم: "قالت لي إن المدرس ده بيلبس جلابية وبعد كده خدتها وروحت المدرسة يوم الاحد الصبح عشان أعرف مين المدرس لقيتها بتشاور على الفراش بتاع المدرسة" لتخبرها الطفلة آنذاك: "هو ده المدرس اللي عمل معايا كده".

اصطحبت الأم طفلتها إلى غرفة الفراش لتؤكد لها "هي دي الأوضه اللي كان بيعمل فيها معايا كده روحت القسم عملت محضر وبعد كده الشرطة قبضت عليه".

بسؤالها عن صلتها بالمجنى عليها وعمرها ومتى حدثت الواقعة أجابت "دي بنتي عمرها سبعة سنوات ونصف والكلام ده حصل يوم الخميس بتاريخ 28 أكتوبر 2021 في مدرسة الشهيد محمد نصر وسابقاً الشرفا حاليا".

وأوضحت أن سبب اكتشافها الواقعة يعود إلى "لما بنتي لقتها مش قادرة تقعد ولا تعمل حمام فلقيت في إحمرار عندها".