«وتلمح».. أغنية جديدة لأحمد حليم على يوتيوب
طرح المطرب أحمد حليم أحدث أغانيه التى تحمل اسم "وتلمح" عبر موقع الفيديوهات الشهير "يوتيوب" وذلك على طريقة الفيديو كليب.
وتقول كلماتها: وتلمح فى الطريق فرصه تقول هى.. وتلمح فى الوشوش ضحكه تقول ليا !.. وبين هى وبين ليا تبات راضى وصافى النيه وبالك من الهموم فاضى و ملغيه.. وتحدفك الحياة طوبه تفاديها.. تتكعبل فى ميت حفرة تعديها.. محال تيأس من الدنيا
ماتستسلمش لو ثانيه.. هتيجى الفرصه ويكون لك مكان فيها..
وياما دموع مداريها كتير حكايات مخبيها.. وياما هموم فى وسط اليوم قصاد الباب بترميها.. ويوم مغلوب ويوم غالب.. ولا بتشيل ولا تعاتب .... ولا بتلوم ولا حابب دا اللى فى الناس مكفيها .. بيجوا كتير عليك وتعدى وتسامح بتفتح فى النهارده وتقفل امبارح.. بتيجى كتير على نفسك ومش لاحق تاخد نفسك.. ومن قلبك تقول الناس لبعضيها ..
وفى سياق متصل خضع المطرب أحمد حليم أثناء تصوير الفيديو كليب لجلسة تصوير بتوقيع المصور الفوتوغرافى محمود عاشور، وفيديو كليب أغنية وتلمح، من إنتاج شركة غاليديا للإنتاج الفنى ، وهى من كلمات محمود فاروق، ألحان مدين، توزيع وميكس وماستر يحيي يوسف، مدير إنتاج تيتو الشيخ، منتج فنى حسين أمين، مدير تصوير مصطفى أحمد وإخراج إسلام حمدان.
اقرأ أيضًا: حمو بيكا يهاجم عمر كمال: «يا خسارة العيش والملح»
وكان قد أطلق المطرب أحمد حليم مع بداية هذا العام أغنية سينجل جديدة بعنوان "عاش يا جامد" ، والذى يستعد لتصويرها قريبًا على طريقة الفيديو كليب وهي من كلمات عمرو المصرى وألحان عمرو الشاذلى وتوزيع طارق عبد الجابر.
