الراقصة دينا تدخل في نوبة بكاء بسبب ابنها (فيديو)

بكت الفنانة دينا، بشكل هيستيري، بعد رسالة مؤثرة من ابنها "علي"، الذي طلب فيها من والدته قضاء احتفالات رأس السنة القادمة معه بدلا من تركه.

 

وقال "علي" في تسجيل صوتي لبرنامج "تحت السيطرة"، على فضائية "النهار": "ماما إنسانة وشخصيتها مختلفة عن الشغل تمامًا، ماما في البيت فيها حنية وبتراعي استغلال وقتها علشان تبسطني وتفرحني، واستحالة أزعل من شغلها، لكن هي دائما مشغولة كتير في الشغل وبتحاول تعمل المستحيل علشان تفرحني وتكون جنبي أنا وجدتي، ولما أكون محتاجها بتسيب اللى وراها علشاني".

 

وواصل "علي" في رسالته الصوتية: "كانت زمان تدلعني وتقولي يا "لولو" ولما قلت لها بلاش أنا كبرت، من ساعتها استجابت ليا، وأنا فخور بها وبشغلها وشايف أن شغلها جميل.. بس نفسي تقضي الكريسماس معايا بعد كدا ونحتفل برأس السنة مع بعض، وأنا بقولها خلي حبك للناس في قلبك وخدي بالك من نفسك مع إن مش كل الناس هتحبك".

 

وردت دينا على رسالة ابنها قائلة: "أنا ظلماه، أول مرة أسمعه بيتكلم، وبكيت علشان عمري ما قضيت معاه كريسماس أو عيد، ظلماه، وهحاول السنة الجاية أخد حفلة في أي بلد وأخلص نمرتي وأسهر معاه لكن في مصر استحالة لأني بعمل 8 نمرات".

 

وأضافت: "ابني مش هيقبل يتجوز من رقاصة، ولو أخلاقها كويسة هوافق، وهو مش عايز يشتغل في الفن بسبب نوعية اللي موجود".