ميدو يهاجم مرتضى منصور: تصريحاتك عن استاد القاهرة «عيب وقلة أدب»

هاجم أحمد حسام "ميدو"، نجم الزمالك الأسبق، مرتضى منصور رئيس النادي، وأمير مرتضى المشرف العام على الكرة، بعد تصريحاتهما الأخيرة بشأن عدم خوض أي مباريات للزمالك على استاد القاهرة الدولي.

وخسر الزمالك آخر مبارتين له ببطولة الدوري الممتاز على استاد القاهرة الدولي أمام إنبي وطلائع الجيش بنتيجة 2-0 و1-0.

اقرأ ايضًا: عاجل | مستقبلك معلق في الهواء.. أسطورة ليفربول يحذر محمد صلاح

وقال ميدو في فيديو له عبر حسابه الرسمي بـ"إنستجرام": "مش هنلعب على ستاد القاهرة الدولي إزاي؟ ده الملعب اللي الزمالك فاز فيه بكل بطولاته التاريخية، هتيجي أنت على آخر الزمن تقول مش هنلعب عليه، إيه الهبل ده؟ إيه العبط ده؟".

وأضاف: "لعيبة الزمالك بتقول اللعيبة اللي كانت عاوزه تجدد عقودها مع النادي، تراجعت في كلامها بسبب الحكم علي بالحبس، عيب اللي بتقوله ده حكم قضائي ومتدخلش لعيبة الزمالك في مشاكلك".

واختتم: "بصراحة قلة أدب للي أمير مرتضى بيقوله ده، ده استاد القاهرة الدولي أنا روحته أنا وأبويا الله يرحمه وفزنا فيه بكل البطولات، جاي دلوقتي تقول الملعب ده نحس، مين اللي بيقنعكم بالكلام ده".