بطريقته الكوميدية.. محمد هنيدي يُلبي رغبة جمهوره ويطرح مشروع القرن

اعتاد الفنان الكوميدي محمد هنيدي دائمًا على أن يمازح جمهوره عبر مواقع التواصل الاجتماعي.

نشر الفنان محمد هنيدي عبر صفحته الشخصية على "فيسبوك" صورة له من فيلمه الشهير "صعيدي في الجامعه الأمريكية"، مازحًا جمهوره بتقديم مشروعه الجديد، وعلق قائلًا: " مشروع القرن: لكل الرجالة والشباب اللي كانت بتتمنع او بتتكسف تنزل الشواطئ بكلسوناتها .. قدرت أحل المشكلة واحولكم الكلسون لبراند.. هتقدر تنزل بيه 177 شاطئ في مصر من أفخم الشواطئ".

وأضاف: "محدش هيقدر يمنعك ولا يتريق غليك لإنك لابس براند ب 6 آلاف جنيه.. يشمل الدخول لكل الأماكن الغالية والشواطئ والفنادق اللي فوق 50 ألف جنيه في الليلة، وممكن تدخل بيه من بوابات مارينا بدون ما حد يكلمك.. أول ما يشوفوا الكلسون هيدخلوك على طول .. متوفر بكل الألوان وألوان الطيف (ناقصه لون)".

إقرأ أيضًا .. خريطة حفلات الغناء في شهر أغسطس المقبل. كاظم الساهر الأبرز

وكتب هنيدي في التعليقات: "طبعًا الكلام هزار، البسوا اللي تحبوه في أى مكان عايزينه.. مش لازم تلبس حاجة غالية عشان تعجب الناس ويقولوا ده ابن ناس.. زي ما قال أبويا "ياما ناس لابسة بس قليلة الرباية" .. واللي يحكم عليك بلبسك بيبقى عقله أصغر من عقل بسيط في كارتون سبونج بوب .. مع الإعتذار لبسيط".

وكان الفنان محمد هنيدى قد كتب منشورًا مساء أمس وطالب فيه جمهوره بتقديم اقتراحات لمشروعه الجديد، وكتب قائلًا: " طلب مساعدة: عايزكم تقترحولي مشروع كدة اعمله .. من المشاريع اللي بتيجي فكرتها للواحد وهو قاعد ع القهوة وبيضرب شاي نعناع ومعاه إزازة المياه المشبرة من فلتر حنفية القهوة عشان المياه المعدنية غالية".