نرمين الفقي تكشف مواصفات فتى أحلامها: «ماعنديش مشكلة في الديانة»
أوضحت الفنانة نرمين الفقي أن فتى أحلامها لابد أن يكون رجلا بمعنى الكلمة يدعمها بشكل كبير في حياتها، ومصدر أمان لها.
وردت عن الشائعات التي تكتب عنها بين الحين والآخر خاصة فيما يخص زواجها، في لقاء مع "عرب وود"، قائلة: "جوزوني وطلقوني وقالوا عندي 50 و60 و70 سنة، في مرة جوزني حد مش من ديانتي ومش عارفة إزاي وطلع تريند، أنا مش ضد الديانات إحنا كلنا خلق الله ومعنديش مشاكل ولا العقد النفسية دي لكن بسيبهم يتكلموا ولما حاجة بتزيد والموضوع ياخد أكبر من حجمه بنزل على الصفحة أن دي إشاعة".
أكدت أنها حتى الآن لم تجد الرجل التي تحبه، قائلة: "عايزة راجل بمعنى الكلمة أعتمد وأتسند عليه، راجل محترم ويحتويني، نفسي أرتبط براجل أقدر أقوله: أنا بحبك، لغاية دلوقت ما قولتش لحد بحبك خالص، أنا عايزة راجل أحس إن ده أماني وسندي في الحياة، ويقوِّيني ويكبَّرني، حتى لو الواحد وصل لحته معينة في شغله، أو في حياته، يكون هو في ضهري، وحماية بجد ليا".
