مرتضى منصور لـ جماهير الزمالك: «انتوا مالكوا بالصفقات والأهلي تعاقد مع لاعب ونص»
كشف مرتضى منصور رئيس مجلس إدارة نادي الزمالك، أخر تطورات ملف الصفقات لتدعيم الفريق الأول لكرة القدم خلال الانتقالات الصيفية الجارية.
وقال مرتضى منصور في تصريحات عبر برنامج "زملكاوي"، المذاع على قناة "الزمالك": "خلصنا صفقتين مهمين جدًا، وعايز أقول لشوية العيال اللي قالت أصل مرتضى هيعلن عن الصفقات يوم الاثنين ومأعلنش، هو حضرتك دافعلي حاجة، أنا مش فاهم متضايقين من إيه؟".
وأوضح: "مأعلنتش علشان الفلوس اللي هنجيب بيها الصفقات محجوز عليها، خلي عندكوا دم إحنا عايشيين في نار، أنت مال أهلك هنعلن عن الصفقات أمتى، أنا مش شغال عندكوا".
وواصل:"ممدوح عباس حاجز على فلوس النادي في البنوك، الفلوس كانت في الزمالك والوزير قال ودوها البنك، أول ما راحت اتحجز عليها".
وكشف: "اتعاقدنا مع 2 لاعبين جامدين بنخلصهم لنادي الزمالك، واحد فيه خط الوسط المدافع وجناح، وشدد احنا ولا اتعاقدنا مع كريم العراقي أو محمد إبراهيم ومش عايزينه".
وشدد: "أنا بجيب اللي فيريرا بيشاور عليه ومحتاجينه، لكن الأهلي جايب أجنبي ضرب حكم في بوليفياـ وجايب شادي حسين وواحد معاه صغير يعني صفقة ونص".
اقرأ أيضًا: الزمالك يستهل مشواره بمواجهة إيليكت ببطولة دوري أبطال إفريقيا
واختتم مرتضى منصور تصريحاته:"شادي ده جاب كام جول؟ وجمهور الأهلي المحترم مبيتكلمش وأنت كمشجع تقولي مين ده وليه ده واتأخرت في الإعلان أنت مال أمك، أنت معندكش دم؟ الفلوس محجوز عليها".
