الطريق
الخميس 28 مارس 2024 11:01 صـ 18 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

سارة نخلة: «محمد رمضان الأقرب لمواصفات فتى أحلامي.. وعارفة إني هتخان»

سارة نخلة (مصدر الصورة فيسبوك)
سارة نخلة (مصدر الصورة فيسبوك)

أثارت الفنانة سارة نخلة الجدل في الساعات الماضية، عقب تصريحاتها الأخيرة عن ارتباطها وزيجتها السابقة، خلال استضافتها ببرنامج "نص الكلام"، والذي تقدمه الإعلامية راغدة شلهوب على قناة النهار.

وتستعرض "الطريق" تصريحات سارة نخلة مع الإعلامية راغدة شلهوب، والتي جاءت كالتالي..

تصريحات سارة نخلة مع الإعلامية راغدة شلهوب

- ارتبطت بشخص من 7 أشهر لكن محدش هيعرف هو مين، لأني وصلت لمرحلة إن مفيش حد ليه علاقة أنا مرتبطة بمين، وده لأن حياتي الشخصية ملكي أنا وبس، والمرادي اختارت بقلبي وعقلي وهو من خارج الوسط الفني.

- بحب الغوامق وعشان كده من المشاهير، محمد رمضان هو الشكل الأقرب لمواصفات فتى أحلامي.

- مرة سلاف فواخرجي كانت ضيفة في أحد البرنامج ولما المذيعة سألتها ليه مش بتشتغل في مصر، كان ردها أن هي لو اشتغلت كانت هتقعد فنانات مصر كلهم في البيت، وقتها كتبت بوست إن مصر وحشتني، وبجد أي ممثل سوري ولبناني لازم يعدي هنا الأول على مصر، وأنا بعتبر جملة سولاف عيب جدًا لأن مصر هي اللي عملتها.

- بحب رضوى الشربيني جدًا على المستوى الشخصي وبحترمها، وبناتها ما شاء الله قمة في الأدب والاحترام، بس بضايق منها في كلمة اختاروا صح، لأننا بنكون فاكرين أننا اختارنا صح وبعد الجواز بيحصل حاجات غريبة، وهي بجد بترفع سقف طموحات البنات، وعشان إحنا كمجتمع عربي مبنعرفش نختار.

اقرأ أيضًا..

«رعب وغموض».. هكذا تظهر مريم الخشت في مسلسل «الغرفة 207» … خاص

سارة نخلة تتحدث عن قتل سائق نانسي عجرم

- من أربع أو خمس سنين، كتبت بوست على حادثة قتل سائق نانسي عجرم في الفيلا بتاعتها واستخدمنا وقتها كلمة إن المجرم كان سوري، وقتها كان ليا تحليل منطقي، وإن الراجل ده اتقتل برا الفيلا وفكرة إنه ياخد 11 طلقة، معناه إنه انتقام، ولسه عند رأيي لحد ما يثبتوا العكس.

- اللي بيسامح مرة واحدة بيعيش طول عمره بيسامح، وكل الرجالة خاينين، لأن في راجل هيخون بعد شهر وراجل تاني هيخون بعد 10 سنين، وأنا عارفة إني هتخان بعد كده.