لاعب الأوليمبي يستغيث: «مش عايزين يقبضوني.. والموظف قال لي هكسر لك رجلك التانية»
طالب هاني السيد، لاعب فريق النادي الأوليمبي، اتحاد الكرة المصري، بحقوقه المادية، بعد وقف مرتبه من الفريق السكندري.
وكتب هاني السيد، عبر حسابه الرسمي بموقع التواصل الاجتماعي "فيسبوك" قائلًا: "النهاردة روحت النادي الأولمبي، كلمت الكابتن حسن مفيد أمين الصندوق بكل أدب واحترام، بقول له قبض اللاعيبة نزل وأنا أسمي مش في الكشف وأنا جالي إصابة في النادي وفي ماتش رسمي ومحتاج القبض وفلوس تأهيل الصليبي".
وأضاف: "قال لي أمشي عشان مكسرلكش رجلك التانية وروح اشتكى.. قولت له مينفعش اشتكى نادي الأوليمبي عشان دا نادي كبير وأنا بحبه.. فقال لي لو راجل روح اشتكى".
اقرأ أيضًا: إنجاز تاريخي للعرب.. المغرب تحقق المركز الرابع في كأس العالم 2022
واختتم: "أنا مقصر في حق النادي ومكنتش عاوز أعمل مشكلة بس الراجل دا بيعايرني بالإصابة بتاعت ربنا، وحسبي الله ونعم الوكيل، وأنا هعرف آخد حقي من اتحاد الكورة".
ويحتل النادي الأوليمبي، المركز العاشر، بالمجموعة (ج)، بجدول ترتيب الدوري المصري الدرجة الثانية.
