السيسي يمازح مقدم جلسته الحوارية: ”سيبني يا فيصل أنا ما صدقت”
مازح الرئيس عبدالفتاح السيسي، الإعلامي الإماراتي فيصل بن حريز، مقدم جلسته الحوارية ضمن فعاليات القمة العالمية للحكومات بإمارة دبي، اليوم الاثنين.
وأثناء مقاطعة مقدم الجلسة لحديث الرئيس عما مرت به مصر منذ عام 2011، رد الرئيس السيسي بالقول: "سبني يا فيصل، أنا ما صدقت".
وفي سياق متصل، قال الرئيس السيسي: "من كان يوم كنت موجود مع أشبال الكرة، واحد منهم قالي هبقى زي محمد صلاح؟ قولتله تقدر تعمل مسار زيه، تقدر تعمل تجربة زي كوريا وسنغافورة، بس السياق اللي تم فيه كان فيه عمل ثم عمل ثم صبر وتضحية، إنت مش هتحل الموضوع في مدة سنة واتنين وتلاتة، أنا عايز أعمل ربط كهربائي مع السعودية واليونان والسودان، أنا جاهز لده؟ مكنتش جاهز، دلوقتي أنا جاهز، بقولها بكل تواضع".
وأضاف: "طب هل المسار ده إنت معايا فيه كمواطن، هتتحمل تكلفته، السياق اللي بتكلم عليه، هل كان ممكن أجل موضوع الطاقة لمدة 10 سنين، وتقولي انت جاهز للربط الكهربائي، هقولك لأ، الربط هو تطور كبير في العالم، العالم عايز يبقى شبكة واحدة، طب هعمله إزاي والقطاع متخلف جدا، الدولة مقتضياتها حاجة تانية".
أقرأ أيضاً.. الرئيس السيسي يشكر نظيره الإماراتي على حفاوة الاستقبال
