الرئيس السيسي لأهالي سيناء: «اللي فات كوم والجاي كوم تاني»
قال الرئيس عبد الفتاح السيسى، :" أوعوا تفتكروا أن بعد التضحية اللي قدمه أهالينا في سيناء، أننا هنقول لهم متشكرين بالكلام بس، لا أبدا اللي فات كوم واللي حاي كوم تأني".
وتابع الرئيس: "إحنا هنقولهم متشكرين بالعمل وبالاهتمام واللي هيعمل ده أهالي سيناء نفسهم؛ أوعوا تفتكروا أننا هنرضى بالموجود مش هيحصل".
ووجه الرئيس السيسى، كلامة خلال مؤتمر تنمية وإعمار سيناء، على هامش تفقده المعدات المشاركة في تنفيذ خطة الدولة لتنمية سيناء للمستثمرين قائلا: "مش انتم بس كمقاولين اللي عيشتم المعاناة، نتيجة الإرهاب ولكن الدولة أيضا بسبب إجراءات تأمين حركة من الغرب للشرق والعكس، حتى الأسمدة كنا بندخلها بحساب".
وأشار الرئيس خلال كلمته الموجهة للمستثمرين قائلا: "الرقم اللي اتكلف في سيناء من 40 إلى 50 مليار دولار، واحب أقولكم اللي انتوا عملتوه السنين اللي فاتت كان ممكن ميتعملش ويتأجل، لو بيتعمل دلوقتى بالتكلفة دى فلازم تعرفوا أنه هيتكلف ضعف الرقم ده، والوقت هيتضاعف، بتعملوا بقالك كتير محطات تحلية مياه وحجم المكون المحلى عندكم قد إيه.. علشان تزودوا حجم الصناعة المحلية".
وتابع الرئيس: "خطتنا في المياه إن كل المدن الساحلية هتبقى مياه تحلية وده برنامج كبير يشغل ناس كتير في مصر ويوفر عملة حرة بنشتري بيها الخامات وقطع الغيار، عاوزين الكلام ده بيتعمل".
اقرأ أيضا: الرئيس السيسي: «ارتفاع الأسعار عبء على الأسرة بعترف بده.. والناس مستحملة معانا»
