زملاء ضابط النزهة الشهيد: حقكك فى رقبتنا.. سلملنا على الشهداء
تحولت صفحات واقع التواصل الاجتماعي "الفيس بوك " إلى ساحة عزاء من قبل المواطنين وضباط الشرطة زملاء النقيب ماجد عبد الرازق معاون مباحث قسم شرطة النزهة، الذى استشهد فجر اليوم، الأحد، أثناء تفقد الحالة الأمنية بمحور طه حسين بالنزهة وقيام مسلحين بإطلاق النار عليه من أسلحة آلية.
ونعى الضباط زميلهم النقيب ماجد عبد الرازق قائلين: "والله مش مصدقين اللي حصل الله يرحمك يا ماجد نشهد الله أنك كنت أفضل ضابط شرطة.. سلام يا صاحبي وسلملنا على الشهداء اللي معاك".
وقال أخر: "أشهد الله تعالى انك افضل واحسن واطيب وانظف ظابط فى وزاره الداخليه ،اشهد الله ان لايوجد فى احترامك ولا فى اخلاقك، مع السلامه ياحبيي، مع السلامه ياابوليلي فى جنه الخلد ان شاء الله ، حقكك فى رقبتنا كلنا".
بينما قال آخرون إن الشهيد ماجد عبد الرازق كان ليخدم الغريب قبل القريب ربنا يرحمك يا محترم ويصبر مراتك وبنتك ليلى وأسرتك وحقك هيرجع في رقبتها.
وقال آخر: "حرام والله بنته لسه مولودة مكملتش أسبوع حسبي الله ونعم الوكيل ذنبها إيه إنها متشوفش أبوها".
وقال مواطنون: "الله يرحمك كنت محترم تخدم اللي تعرفه واللي متعرفوش، مات علشان كان بيحمينا واحنا نايمين، ربنا يحتسبك من الشهداء والصديقين، مش عارفين نقول إيه غير إنه ربنا يرحمه، ضحى بحياته ومستقبله علشان كان بيشوف شغله صح مقعدش في المكتب، لكن نزل يأمن الشوارع والناس نايمة.. إلى جنة الخلد".
وقال آخر إن "الشهيد هو زوج ابنة العميد الشهيد وائل طاحون الذي استشهد من عامين على يد مجموعة إرهابية بمنطقة المطرية، ربنا يصبر أسرتك".
