عمر كمال: «الصحفيين والمراسلين دول بنى آدمين على فكرة»

وجه المطرب عمر كمال رسالة، يدافع من خلالها عن الصحفيين والمراسلين، وينتقد النجوم الذين يتعاملوا معهم بطريقة غير لائقة ولا يحترموا مواعيدهم معهم.

رسالة عمر كمال عن الصحفيين

وكتب عمر كمال عن الصحفيين، عبر حسابه الشخصي بموقع التواصل الاجتماعي فيسبوك: "الصحفيين والمراسلين دول بنى آدمين على فكرة وبيحسوا وعندهم شعور زينا ديه معلومة فايتة فنانين كتير !!".

وأضاف: "يبقى الفنان أو المنتج بتاعه أو مدير أعماله داعى الميديا صحافة وقنوات ومواقع يغطوا الحدث بتاعه، سواء فيلم أو أغنية أو أى عمل والناس تيجى تعمل شغلها، تلاقيهم بيعاملوهم بمنتهى قلة الأدب والذوق".

واستكمل: "شاب أو شابة يا عينى تلاقيه جاى موصلات ولا واخد عربية على حسابه، ومستنى الأستاذ بالساعات وياريتهم بيجوا في مواعيدهم، لازم التأخير كام ساعة عشان خاطر النجومية تظبط والكاريزما، ويتنطط عليهم ويحرجهم وكأنهم بيتطفلوا عليه مثلا ما هما جايين عشان يساعدوك ف نجاحك هما مش أعدائك !؟".

اقرأ أيضًا.. شقيقة عمر كمال تحتفل بكتب كتابها.. صور

واختتم رسالته قائلا: "اللى يحرجك أحرجه واللى يتنطط عليك سيبه وأمشى، أنتوا بترضى على نفسك كده ليه مش فاهم ؟!!!!".