«أنتم أهل كرم وأصالة»..سعودي يوجه رسالة شكر للمصريين بعد إقامته في مصر
لقى فيديو لشاب سعودي يتحدث فيه عن فترة دراسته لمجال طب الأسنان في مصر، رواجًا كبيرًا على موقع التواصل الاجتماعي «فيسبوك»، حيث تداول المستخدمون على نطاق واسع خلال الساعات الماضية.
وبدأ الطبيب السعودي الفيديو بقوله: "«مساء الخير يا أخواني المصريين.. ممكن أقلب لساني نصري عشان تفهموني أكتر أنا اتخرجت من الكلية هذه سنة 2017».
متابعًا يقول:« البلد دي ليها فضل بعد الله عليا كبير في كل شيء، واللي عايز أقوله اللي ما عاشرش مصريين، لا يحكم عليهم نهائيًا، أنا لقيت في البلد دي كل حاجة الطيب والوحش والطيب أكتر من الوحش، أكلت فيها واتربيت فيها وتعرفت على ناس كريمة فيها، واتعرفت على ناس أصيلة فيها، وحصلتلي مواقف ولقيت المصريين سانديني، مش عارف أقولكم أيه انتم بلد عظيمة، انتم ناس عسل، اللي ما يعرفكم يجهلكم، والله العظيم أنا بحبكم بحبكم جامد جامد».
وقد أشاد المتابعون في جميع الدول العربية بكلام الطبيب السعودي، في الفيديو وجاءت بعض التعليقات كما يلي:
علق حساب باسم وزير الأناقة وهو لشاب سوري يقول :"بدك تحس حالك مش في غربة روح مصر".
وعلقت سارة عاطف :"الحلو في الموضوع أنه بيتكلم عن الإسكندرانية تحديدًا عشان الناس اللي بتقل أدبهم على الإسكندرانية وهم ما يعرفوش حاجة يلاقوا حد يشهد شهادة حق مالهوش مصلحة".
وكتب جمال ناجي يقول :"صدقت القول
أربع سنين عمري مسمعت كلمة إنك غريب
كل الود والاحترام لهذا الشعب الأصيل".
وقالت طرف العانزي:" أنا درست 5 أشهر في مصر وما كتب ربي استمر لكن خلال الفترة القصيرة دي عرفت بنات مصريات في قمة الأدب والاحترام والله حتى ما حسيت إني بعيدة عن أهلي ديمًا معايا ديمًا حتى أكل البيت بشكل يومي، ولما سافرت حزنوا على الفراق وكأني أنا اللي في بلدي وهم أغراب .. شكرًا ديما وشكرًا فرح وشكرًا مصر من كل قلبي".
وقال لؤي يوسف:"والله كلامك يا أخ صح مئة في المئة أنا والعديد من زملائي العراقيين عشنا هذه التجربة الحلوة والجميلة في مصر أيام السبعينيات من 75 وحتى79، و إني أثني عليك وأؤيد كلامك.. بل وأكثر من ذلك وأشهد الله على ذلك ..الكلام طويل والأحداث كثيرة لا يسمح المجال والوقت لسردها اللهم أحفظ مصر وأهلها الطيبين بمختلف أطيافهم وانتماءاتهم".
اقرأ أيضًا: «كبت أم براءة».. سعادة طفل بانتهاء العام الدراسي تثير إعجاب رواد التواصل الاجتماعي
