فقدت النطق.. قصة مأساوية لـ«مذيعة DMC» أميمة البدري

تصدرت المذيعة أميمة البدري، تريند مواقع التواصل الاجتماعي بعد نشرها منشورًا يفيد بأنها فقدت تمامًا النطق بسبب أزمة نفسية تعرضت لها، واستغاثت على صفحتها الشخصية بفيسبوك ليساعدها أحد لأنها غير قادرة على التنفس بشكل جيد.

ونشرت المذيعة أميمة البدري ومراسلة الـ DMC فيديو لها لطمئنة الجمهور عليها وعلقت: «شكرًا لكل حد بيسأل وبيطمن عليا بس ده حالي وصوتي طلع حبه الصبح مكنش في أي صوت ولا حركة شفايفي ولسه تعبانه فمش عارفه ولا قادرة أتواصل قولت أطمنكم بحالي هنا أسهل».

فقدت النطق بسبب الزعل

وتابعت مذيعة DMC: «دعواتكم والحمد لله على كل شيء.. بقولكم آسفه لكل حد بيسأل وبيطمن عليا بس مش عارفه أرد ادعولي أكون كويسة»، كما كتبت منشورًا آخر يفيد بأنها أجرت فحوصات طبية على المخ وتبين أنه ليس هناك جلطة تسببت في ذلك ولكنها فقدت النطق نتيجة تعرضها لزعل شديد.

وواصلت مذيعة DMC: «الحمد لله رب العالمين على كل حاجة حصلت ليا.. أنا بكتب وأنا مش قادرة لأطمنكم أنا روحت المستشفى وعملت الأشعة المقطعية علي المخ الحمد لله مفيش جلطه بس للأسف فقدت النطق بسبب إني زعلت جامد ادعولي دعوة صادقة».

المذيعة أميمة البدري تطمئن جمهورها

وأكملت المذيعة التي فقدت نطقها: «أنا محتاجه لدعواتكم وشكرا لكل اللي بيكلمني بس حرفيا مش قادرة من الصدمة.. أنا دكتور كتبلي أدويه وقالي لازم أرتاح تماما وخلال 3 أيام لو مش اتحسنت ورجعت أتكلم هتابع مع دكتور أعصاب واعمل جلسات كهرباء لأعرف أتحسن ادعولي اعرف انطق تاني وارجع لحياتي».

واختتمت: «أنا نفسيا مش أحسن حاجة دعواتكم وشكرا للتواصل معايا ولكل واحد حاول يكلمني ويساعدني وشكرا للي جالي البيت ووداني المستشفي دعواتكم.. اللي يعرف الأدوية دي تمام ولا حد يقولي أعمل إيه لأن أنا قلقانة».

أول منشور لأميمة البدري

وكانت قد كتبت مرسلة الـ DMC منشورًا تستغيث فيه في بداية صدمتها قائلة: «أنا محتاجة حد يساعدني أرجوكم أنا فجأة فقدت النطق مش عارفه أنطق ولا أتكلم وشفتي طبقت زي البكم والصم وصوتي مش طالع ومش قادرة أخد نفسي أنا خائفة ومش عارفه أعمل إيه أنا تعبانه جدا ومش قادرة أنا مخضوضة من اللي حصلي».

اقرأ أيضا: ياسمين عز: «مينفعش تكلمي جوزك في التليفون وأنتي حافية» | التوك شو | الطريق