عمرو عبد العزيز يدافع عن فيلم «تاج»: «عجبني وعجب الناس اللي في السينما»
دافع الفنان عمرو عبد العزيز، عن فيلم تاج والنجم تامر حسني، وذلك بعد الهجوم الذي يتعرض له هو والفيلم، بعد عرضه في جميع دور العرض السينمائية، مع عيد الأضحى المبارك.
فيلم تاج
وكتب عمرو عن فيلم تاج لتامر حسني، عبر حسابه الشخصي بموقع التواصل الاجتماعي فيسبوك: "مش بحب أقول رأيي فى فيلم غير لما اشوفه بنفسي، وأقول وجهه نظري إمبارح، اتفرجت على فيلم تاج للميجا ستار تامر حسني، الفيلم فى إطار فانتازيا كوميدي".
وتابع: "الفيلم والله عجبنى وعجب الناس اللي كانوا فى السنيما، بصراحه أنا ضحكت واللي كانوا فى السنيما كانوا بيضحكوا وعجبنى جدا مستوى الجرافيك اللي معمول فيه بصراحه، وفي الآخر لولا إختلاف الأذواق لبارت السلع، الفيلم هيعجب ناس ومش هيعجب ناس، ده طبيعى جدا".
واستكمل: "بس ياريت حتي الناس اللي مش عاجبها الفيلم يقولوا نقدهم بشكل محترم بدون تجريح فى حد، لأن فى مجهود مبذول فى الفيلم وناس تعبت وشقيت عشان الفيلم يخرج للنور، وعايز أقول إني سعيد بمخرجه الفيلم سارة وفيق إننا بجد عندنا مخرجه ست بعد ساندرا نشات وكاملة أبو ذكرى، عندها وعي وقدرة على التحكم والتعامل مع كل العناصر دى من الديكور والتصوير والموسيقى والجرافيك وعلى فكرة دي حاجه مش سهله خالص".
اقرأ أيضًا.. حقيقة إيرادات فيلم تامر حسني.. هل حقق «تاج» 100 مليون جنيه؟
واختتم رسالته قائلا: "أحمد عبد القادر مدير التصوير بجد جامد جدا و عامله صوره تحفه، في النهاية مبروك لتامر حسنى وكل فريق عمل الفيلم، ملحوظه بس صغيرة، أنا حبيت تاج أكتر من هارون وكنت عاوز اشوف كميه شر اكتر من هارون".
