بعد اعتزالها للفن.. منى فاروق: بقيت منبوذة من كل الناس.. أبوس إيديكم عاوزة أشتغل

حرصت الفنانة منى فاروق التعليق على قرار اعتزالها للفن، وكشفت عن الأسباب التي دفعتها للاعتزال، وذلك بسبب قلة عرض الأعمال الفنية عليها وشدة احتياجها للمال، كما ناشدت نقيب الممثلين الفنان أشرف زكي والنجم أشرف عبد الباقي لتوفير فرصة عمل لها.

أسباب اعتزال النجمة منى فاروق للفن

وشاركت الفنانة منى فاروق مع متابعيها، منشور لها غبر خاصية الأستوري على موقع إنستجرام، وكتبت: "الكلام اللي بقوله خارج خالص عن فكرة إني آخد التريند وأعمل زي أي حد، أنا اعتزلت الفن لسبب واحد هو ده مصدر رزقي الوحيد واللي أنا بحبه وعاوزه اشتغله".

وتابعت النجمة منى فاروق، وقالت: "لما أوصل لمرحلة إني مش عارفة أدفع إيجار بيتي حاجة تتعب.. أنا محتاجة أشتغل عشان أعيش زي أي بني آدمة طبيعية، وأنا غلطت وربنا بيسامح ليه البني آدمين مش عاوزين يسامحوا".

وأردفت: "أنا بسمع بودني لا بلاش منى عشان الفيلم والدعاية ما يضرش الفيلم أو المسلسل، ليه يا ربي أنا بقيت منبوذة من كل الناس، أنا مش طالبة غير اشتغل في الحاجة اللي بحبها عشان أعرف أعيش، المجتمع حاططني في المكان الوحش، بس مش يمكن عاوزه أبقى كويسه زي أي واحدة ليه بتقفلوها قدامي في كل حاجة".

منى فاروق توجه رسالة خاصة لنقيب الممثلين أشرف زكي

واختتمت منى فاروق رسالتها قائلة: "أنا بناشد الدكتور أشرف زكي والأستاذ أشرف عبد الباقي وشركات الإنتاج، محتاجة أشتغل عاوزه أعرف أعيش، والله مش طالبة غير أشتغل أبوس إيديكم عاوزه أشتغل".

اقرأ أيضا.. راضية بكل ابتلاء”.. منى فاروق تعلن تعرضها لوعكة صحية مفاجأة