حكيم: «أنا مدرسة في الغناء الشعبي.. ومحبتش نفسي كممثل»
كشف المطرب الشعبي حكيم، عن رأيه في أدواره السينمائية وخاصة في فيلم "علي سبايسي" عام 2005م، قائلا :"أنا أول مرة أقول كده لكني محبتش حكيم كممثل بصراحة، وأنا في المنطقة بتاعتي وهي الغناء الشعبي "مدرسة"، وأنا مقدرش أقول إني متواضع في الحتة ديه".
حكيم: كوباية الشاي مش بتفارقني في البروفات أو على المسرح
وأضاف حكيم، خلال حوار أجراه عبر فضائية "دي إم سي"، من مدينة العلمين الجديدة، أن الترابط بين المزيكا وخفة الدم على المسرح الشعبي مطلوب، فلازم يكون فيه تناغم بين الحاجات ديه عشان أنا شغلتي كفنان شعبي الترفيه عن الناس وإسعادهم، أنا دائما بقول لفرقتي أنا وأنتم ملك للناس اللي بتسمعنا وبتتفرج علينا، فلازم نكون قادرين على إسعاد الناس وإفراغ ما بداخلهم من مشاكل وطاقة سلبية".
وتابع المطرب الشعبي حكيم: "كوباية الشاي مش بتفارقني في البروفات أو على المسرح، وأنا دائما بحضر البروفات مش عشان أغني ولكن عشان أسمع نغمات الآلات الموسيقة وما يتناسب معها من ميكسات، إحنا بنعمل بروفة مزيكا وبنقعد نظبط الأصوات قبل بدء الحفلة بأكثر من ساعة ونصف".
اقرأ أيضا: خريطة فعاليات مهرجان العلمين الجديدة اليوم
