بدرية طلبة تنتقد الطلبات المدرسية: الطفل شايل عزاله ورايح بيت عروسته
انتقدت الفنانة بدرية طلبة قائمة "الطلبات الكبيرة" بهاظة الثمن التي تطلبها عدد كبيرمن المدارس من أولياء الأمور خلال الفترة الحالية، وذلك قبل انطلاق الدراسة.
وشاركت بدرية طلبة متابعيها مقطع فيديو جديد لها، على حسابها الشخصي، عبر موقع تبادل الصور والفيديوهات إنستجرام.
وقالت بدرية، خلال مقطع الفيديو:هو إيه يا جماعة موضوع "السبلايز" اللي المدارس طالعه بيه اليومين دول؟، إحنا كان على أيامنا آخرنا "قلم رصاص، جومة، براية" وكمان أمي كانت بتشاركني في "البراية" وبتبري بيها قلم "الحواجب" والكحل بتاعها.
بدرية طلبة تتحدث عن متطلبات المدرسة
وأضافت بدرية طلبة في نفس الفيديو الذي نشرته ولما كبرنا زودونا قلم جاف بس، وبعد كده خلوا "الجومة" بريحة، وكان بدل ما نمسح بيها بقينا بناكلها، ونمسح بالجومة اللي موجودة في القلم الرصاص.
وأوضحت طلبة: وبعدين في المرحلة الثانوية زودولنا "برجل، ومنقلة" حاليًا بقا الطفل لسه مطلعش من البيضة، ويقولك "سبلايز" ووالدة الطفل يا عيني بتوصله للمدرسة كأنها شايله عزاله ورايحه توصله بيت "العروسة".
