بعد سحب شكواه.. محمد مجدي يوجه رسالة لجماهير الزمالك
وجه محمد مجدي، لاعب الفريق الأول للكرة الطائرة رجال لنادي الزمالك ومنتخب مصر، رسالة إلى الجماهير بعد حل أزمته وسحب شكواه في الفترة الأخيرة، بعد تدخل هشام نصر المرشح على منصب نائب الرئيس في الانتخابات المقبلة.
وكتب محمد مجدي على صفحته: "بفضل ربنا وبفضل ناس بتحب الزمالك.. النادي اللي بفخر دايما بتمثيله كلاعب منذ 17 سنة وتشجعيه كمشجع، جرى التواصل معي لحل المشكلات التي كنت أواجهها الفترة الماضية وبدأ الحمد لله حلها".
وأضاف: "بناء عليه جرى التنازل عن الشكوى التي تم تقديمها بعد مماطلة المجلس القديم في حلها، والتواصل مع لاعبين النادي، من يمثلوه وقدروا أنهم يحققوا بعرقهم وتعبهم البطولات رغم كل الصعوبات اللي واجهناها الفترة الماضية".
منتخب مصر في التصنيف الرابع.. موعد قرعة كأس العالم لكرة القدم الشاطئية 2023
وتابع لاعب الزمالك: "بداية أوجه الشكر هشام نصر، الراجل اللي قدر محبي الزمالك أنهم يوصلوا مشاكلي اللي بتتمثل في عدم حصولي على مستحقاتي، واللي تجاهلها كل المسئولين الفترة الماضية في حلها.. أو التواصل مع أي مسؤول يقدر يستوعب اللاعبين ويفهم مشاكلهم ويطمنهم".
وأردف: "إحنا في النهاية ورانا مسئوليات وأسر وعائلات وده مصدر رزقي، مش عاوز حد يزعل مني ابدًا لما بتلاقي نفسك قليل الحيلة بتضطر الظروف انك تعمل حاجات عشان حد يحس بيك، الأخ الكبير هشام نصر بصفته أحد أهم لاعبين كرة اليد سابقًا واللي أدرى بمشاكل ألعاب الصالات بحكم أحد ابناءها".
وواصل مجدي: "تواصل معايا وقدر يحل مشكلة التجنيد كمان الخاصة بيا، اللي ماكنتش ممكن تخليني أمثل الزمالك.. واليوم قدر بالتواصل مع اللجنة المؤقتة صرف جزء من مستحقاتي اللي باقيلها فترة طويلة جدًا دون أي إجراء.. وأثرت سلبًا عليا نفسيًا وماديًا ومعنويًا.. ورغم ذلك كنت بروح اتدرب استعداد للموسم الجديد لعل وعسى".
وأكمل: "عشان كده بشكره على تفاعله واهتمامه لغاية ما قدر يرد جزء كبير من حقي معنويا ومادياـ وحسسني بقيمتي كلاعب أساسي في الفريق، بشكر كل الناس اللي قدرت تنقل مشكلاتي وتحلها الفترة الماضية للناس المسؤولة".
