أحمد حسن يعلق على انتقاده لـ محمد صلاح

علّق أحمد حسن كابتن منتخب مصر لكرة القدم السابق، على الانتقادات التي وجهها للاعب محمد صلاح، عقب إعلان مغادرته معسكر المنتخب خلال البطولة الإفريقية في كوت ديفوار، لتلقي العلاج مع ناديه ليفربول الإنجليزي.

وأوضح حسن خلال حواره ببرنامج "معكم منى الشاذلي" على قناة ON، أن حديثه عن صلاح لم يكن انتقاداً لاذعاً ولا شخصياً، بل هو حديث عن موقف بعينه، قائلاً: "أنا بحب صلاح جداً. لما باجي أضرب لابني مثلاً ونموذج ناجح بضرب له مَثل بصلاح مش بيا. بقوله أتعلم من العقلية دي ازاي تنجح".

أضاف: "أنا في الحلقة اللي قبلها كنت بدافع عن صلاح باستماتة… بس الناس دايما بتركز على النقد فقط... وعموماً وقتها كان في تضارب في الأخبار، خاصة أن التصريح أتى من ليفربول الأول… لكن اللي قلته واللي مقتنع بيه إن وجود صلاح كقائد للفريق ده مهم… إنه لازم يستمر مع الفرقة طالما الإصابة بسيطة، لأن القائد ده ملهم للاعبيه".

تابع: "بعدين اتقال العلاج هناك أفضل وكده… طيب ما هو لحد الآن صلاح ملعبش اومال فين العلاج الأفضل؟ محدش بيقول إنه بيتمارض… أنا قلت كابتن المنتخب يفضل مع المنتخب كدعم لزميله".

واختتم أحمد حسن حديثه قائلاً: "في ناس تهوى التطبيل دون داع، ويقولك ازاي تتكلمون على صلاح… يا جماعة الموضوع أسهل من كده… إحنا بننتقد موقف مش حاجة شخصية، ما دام بتقول وجهة نظرك باحترام".