أحمد حاتم: أتمنى ما أكررش تجربة الطلاق تاني

تحدث الفنان أحمد حاتم، عن حياته الشخصية، كاشفا تفاصيل انفصاله عن زوجته منذ فترة، مشيرًا إلى وجود علاقة محترمة بينه وبين طليقته، وذلك خلال لقاء له ببرنامج "أسرار النجوم"، الذي تقدمه الإعلامية إنجي علي، عبر محطة راديو" نجوم إف إم".

تصريحات أحمد حاتم

وقال الفنان أحمد حاتم: "أنا مطلق من فترة، ودي حاجة متكلمتش فيها خالص، عندنا عزيز وعلاقتنا محترمة وعلاقتنا بابننا قوية ومتفق عليها قبل الانفصال، إنها تكون علاقة محترمة وابننا عنده سنة وأربع شهور، وهو أثر فيا جدًا وغير فيا حاجات كتير بسرعة جدا".

وتابع احمد حاتم: "بقيت أكتر استيعابا وهدوءا، وعندي تقبل إني ابقى مسئول زيادة من غير ما اشتكي، بقيت بدي من وقتي ومجهود عشان أشوفه، وفي دا مامته مشكورة جدا، وأتمنى مكررش تجربة الطلاق تاني، أنا عايش لوحدي بقالي مدة كبيرة، ومتمناش أعيش لوحدي لإنها صعبة، وأتمنى لما أكرر التجربة دي تكون الحياة مستمرة ومستقرة أكتر، والست اللي كانت في حياتي بتمنى ليها تبقى مبسوطة في حياتها".

اقرأ أيضا: أهلاوي أم زملكاوي.. أحمد حاتم يكشف عن انتمائه الكروي