شيرين رضا تكشف تفاصيل خطبة ابنتها نور وعلاقتها بـ عمرو دياب
تحدثت الفنانة شيرين رضا، عن تفاصيل خطبة ابنتها نور وعلاقتها بها وبوالدها المطرب عمرو دياب، مشيرة إلى أنها ترغب في تكوين شخصية منفصلة خاصة بعيدًا عن والديها وشهرتهما الواسعة، لذلك فهي قليلة الظهور معهما على مواقع التواصل الاجتماعي.
شيرين رضا تكشف تفاصيل خطبة ابنتها نور
وكشفت الفنانة شيربن رضا، عن تفاصيل خطبة ابنتها نور عمرو دياب، وذلك خلال استضافتها ببرنامج "العرافة"، الذي تقدمه الإعلامية بسمة وهبة، ويذاع على قناتي "المحور والنهار"، وقالت: "بنتي نور اتخطبت بدون دركة وأغاني ودعوات والكلام ده، ولا أنا ولا عمرو دياب حضرنا.. وأنا مبسوطة علشان هي مبسوطة، وهي اختارات الحاجة اللي تسعدها".
وتابعت شيرين رضا: "نور بتعتمد على نفسها من بعد ما خلصت دراسة، وهي في أثناء الدراسة كنت أنا وعمرو دياب بنصرف عليها، ولكن حاليًا هي معتمدة على نفسها ومفيش حد فينا بيديها فلوس، علشان الفلوس مضيعهاش، لأني شوفت نماذج كتيرة الفلوس ضيعتها، وهي تتحمل المسؤولية وعارفة إن الفلوس اللي معها لازم تكفيها".
علاقة عمرو دياب وابنته نور
وعن عدم ظهور نور مع والدها الفنان عمرو دياب في أصور لهما أو حضورها لأي من حفلاته، ردت شيرين رضا: "هي لا تحب الظهور، وزي ما قولت هي عايزة تعمل شخصية لنفسها.. وعايزة اللي يعملها لايك على الانستجرام يكون بيعمل ليها هي مش بيعمل لشيرين رضا أو عمرو دياب".
وعن لقاء عمرو دياب ونور، قالت: "أكيد بيتقابلوا، هي علشان قاعدة في لندن وعمرو بقاله فترة كبيرة مش بيرح لندن فمتقابلوش، ويمكن هي قالتالي إنهم اتقابلوا بس أنا نسيت"، وقاطعتها بسمة وهبة: "بتتهربي من الإجابة"، لترد شيرين قائلة: "آه بتهرب".
