أحمد فهمي يكشف سبب رفضه لدخول زوجته مجال الغناء.. ”فيديو”

حل الفنان أحمد فهمي ضيفا على برنامج "حبر سري" الذي تقدمه الإعلامية أسما إبراهيم، ويذاع عبر شاشة تلفزيون قناة "القاهرة والناس"، وتحدث خلال لقائه عن أسرار عديدة تخص حياته الشخصية.

تصريحات أحمد فهمي

وقال أحمد فهمي: "وأنا صغير أبويا كان مرتبه قليل وبيجبلي جزمة واحدة في السنة، وكان ضد إني ألعب بيها كورة ولما كبرت واشتغلت بقيت مدمن جزم، وأنا عيني مليانة وعمري ما كنت أبص لحد، ودلوقتي بعرف أحوش".

أحمد فهمي يتحدث عن أعضاء فرقة واما

كما تحدث أحمد فهمي عن أعضاء فرقة واما، فقال: "كل واحد عنده نجاحاته الخاصة، نادر محبش التمثيل، وميدو أكتر حد فينا ناجح في الصوت، وشامي ممثل شاطر جدا، وكل واحد نجح في الحتة اللي هو عايزها، واحنا كلنا فنيا متساويين، وجاتلنا كذا فرصة إننا نمثل مع بعض بس ما كملتش، وفي خليج نعمة كان ميدو هيمثل معايا بس اعتذر".

وعن رفضه دخول زوجته مجال الغناء، قال أحمد فهمي: "كل واحد مع مرور الوقت اهتماماته بتختلف، زمان مكنتش عايزها تغني، بس دلوقتي بساعدها في الغنا، وزمان القرار دا كان غلط مني، ومحدش من ولادي عايز يخش الكونسرفتوار.. وأنا صغير كنت أهوج ومكنتش عايزها تغني عشان كنت بغير عليها، ولما عقليتي اتغيرت حسيت أن دا كان ظلم ليها".

اقرأ أيضا: الليلة.. أحمد فهمي في ضيافة ”أجمد 7” مع جيهان عبدالله