تامر حسني يقدم يد المساعدة لجمهوره.. ما القصة؟
نشر الفنان تامر حسني بوست عبر حسابه الرسمي على فيسبوك ، وقدم نصيحه لجمهوره بأنه سوف يستمع لمشاكل الجميع حتي لو نهاية اخر الشهر وتوعد بحل مشاكل الجميع على قدر استطاعته.
تامر حسني يقدم يد المساعده لجمهوره
وكتب تامر حسني: اولاً انا فرحان اوي بمتابعتكم للكلام اللي بقولهلكم من قلبي في اي بوست ايجابي بحب اوصله ليكم و في نفس الوقت بشوف ردود من ناس كتير تعبانه و مُحبطه من ظروفهم و من حال الدنيا .
وأضاف: شوفوا بقى على قد مشواري و معاناتي اللي شوفتها في حياتي من وانا طفل فقير ضعيف شاف كل ظروف و مواقف الاحباط لحد ما كبرت و بدأت احقق احلامي و اواجه نفس الحروب و لكن من نوع اخر و اشرس شوفت حاجات كتير ببقى نفسي اقولهالكم او بمعنى اصح عرفت اسرار كتير في التعامل مع الحياه و الازمات نفسي اوصلهالكم كلها.
وأستكمل: واثق انكم محتاجين حد يحكيلكم ده من قلبه و ينفعكم بيه بشوف ده دايماً في ردودكم عليا انا مش مدرس ولا دكتور ولا اي شيء غير اني بني آدم صاحب رحله فيها صعود و هبوط مكاسب و خساير و حروب و صعاب و احزان و دموع وتحديات و فشل و نجاحات و جوائز عالميه و ايرادات استثنائيه يعني كل اللي نفسكوا فيه بالصلاه عالنبي انا طالب منكم تسألوني كأخ ليكم عن اي حاجه تعباكم و هحاول بقدر الامكان اقرا اللي هقدر عليه و ارد.
واختتم : هحاول اقسم المواضيع اللي هتسألوا فيها و ارد عليها كلها بشكل عام و اكيد لو حد سأل و لقاني مجيتش ناحية سؤاله اكيد هيعذرني و هيقدر اني حاولت ارد على الكل بس ممكن اكون مقدرتش اشوف الكل ماشاء الله عددكم عايز بلد كامله تتابع بس والله والله هحاول ارد و لو لآخر الشهر يلا يا جماعة مستعد اسمعكم.
