أحمد السقا يكشف عن شروطه للمشاركة في مسلسل العتاولة 2

تحدث الفنان أحمد السقا، عن شروطه للموافقة على المشاركة في الجزء الثاني من مسلسل العتاولة، وذلك خلال لقاء له ببرنامج "الراديو بيضحك" الذي تقدمه الإعلامية فاطمة مصطفى، عبر محطة راديو "90 90".

تصريحات أحمد السقا

وقال أحمد السقا: "فكرة الجزء التاني كان متفق عليها من نص المسلسل، وعرفت أخر المسلسل، وأنا جربت تجربة الجزء الثاني في فيلم الجزيرة، وهو حاجة من الاتنين يا أما استثمار نجاح ودا غلط، يا أما نعلي على اللي احنا عملناه ودا صح".

وتابع: "وأنا مستني الورق اللي هيتكتب وأشوف احنا رايحين فين، ولو مش أعلى هنعمل فريز، بس اعتقد أننا رايحين حتى أعلى".

أحمد السقا يكشف حقيقة خلافه مع باسم سمرة

وعند سؤاله عن حدوث مشكلات بينه وبين الفنان باسم سمرة في كواليس مسلسل العتاولة، رد أحمد السقا، وقال: "أقسم بالله مكانش فيه أي مشكلات في اللوكيشن، وباسم سمرة طيب وكريم ومحترم وخلوق وملتزم، وأنا ممكن آخد نص الجملة وابني عليها موضوع، ودا بقى بيحصل كتير جدا، فربنا يهدي الناس اللي بتعمل كدة".

اقرأ أيضا: أحمد السقا يوجه رسالة خاصة لـ كريم عبد العزيز.. ما القصة؟